دەنساۋلىق: المانىڭ ادام اعزاسىنا پايداسى قانداي؟

 المانىڭ قۇرامىندا  А,С, В1, В2, Р, Е دارۋمەندەرى بار.

А دارۋمەنى - اعزانىڭ وسۋىنە، دامۋىنا اسەر ەتىپ، ءتۇرلى اۋرۋلارعا قارسى تۇرۋعا كومەكتەسەدى. ا دارۋمەنى شاشتىڭ، تىرناقتىڭ وسۋىنە اسەر ەتەدى. ول جەتىسپەگەندە تەرى قۇرعاپ، جارىلىپ، ءتۇسى كۇڭگىرتتەنەدى.

В1 دارۋمەنى - ورگانيزمدە دۇرىس زات الماسۋى ءۇشىن اسا قاجەت. بۇل دارۋمەن جەتىسپەگەندە شارشاعاندىق سەزىلىپ، اس قورىتۋ جۇيەسى بۇزىلادى. اعزا ۆ1-گە ءزارۋ بولعان جاعدايدا جۇيكە جۇيەسى اۋرۋعا شالدىعۋى مۇمكىن.

В2 دارۋمەنى - باسقا دا دارۋمەندەر سياقتى ورگانيزمنىڭ ءبىرقالىپتى وسۋىنە قاجەت. جاراقاتتاردىڭ تەز جازىلۋىنا مۇمكىندىك بەرەدى. كوزدىڭ جاقسى كورۋ قابىلەتىن ارتتىرادى.

بۇل دارۋمەن جەتىسپەگەن جاعدايدا ەرىن قۇرعاپ، ۇشىق شىعادى. دەنەگە تۇسكەن جاراقات باياۋ جازىلادى.

С دارۋمەنى - اعزانىڭ جۇقپالى اۋرۋلارعا قارسى تۇرا الۋ ارەكەتىن ارتتىرادى. سۇيەككە جانە تىسكە بەرىكتىك قاسيەت بەرەدى. س دارۋمەنى جەتىسپەگەندە اعزا تەز شارشايدى، سىلەمەيلى قابىقشالار قابىنادى، قىزىليەك قانتالايدى. س دارۋمەنى اعزاعا قىس پەن كوكتەم ايلارىندا كوبىرەك قاجەت.

Р دارۋمەنى - جىڭىشكە قان تامىرلارىنىڭ بەرىكتىگىن ارتتىرىپ، قىزمەتىن قالىپقا كەلتىرەدى.

Е دارۋمەنى - بۇلشىق ەتتەردىڭ قىزمەتىن جاقسارتادى.

 سونداي- اق المادا مارگانەتس، كاليي، كالتسي، فوسفور، ناتري، موليبدەن، مىرىش بار. بۇلار اعزاعا جەتكىلىكتى مولشەردە بولسا، ادام ءجيى اۋىرمايدى. ويلاۋ قابىلەتتى جاقسى دامىتادى.

ال ەڭ باستىسى - الما تەمىرگە باي. تەمىر قان اينالىمى جۇيەسىنە وتە قاجەت. ول جۇرەك، باۋىر، بۇيرەك، اسقازان، ىشەك جولدارىنىڭ جۇمىستارىن جاقسارتادى.

باكتەريا مەن ءارتۇرلى ۆيرۋستاردان ساقتانۋ ءۇشىن كۇنىنە ءبىر الما جەۋ قاجەت.

المانىڭ جەر شارىندا 36 ءتۇرى بار. قازاقستاندا المانىڭ «اپورت»، «سيۆەرس»، «نەدزۆەتسكي»، «قىرعىز الماسى»، ت، ب. تۇرلەرى وسەدى.

المانىڭ وتانى - ورتالىق ازيا. سۇرپىنا قاراي، الما اعاشىنىڭ ءومىر ءسۇرۋ ۇزاقتىعى دا ءارتۇرلى. ولار 20 جىلدان 100 جىلعا دەيىن وسە بەرۋى مۇمكىن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى