كىتاپ پەن كىتاپحانا تۋرالى قىزىقتى دەرەكتەر

* فينليانديادا «سكەپسيس» دەگەن قوعام بار. ونىڭ مۇشەلەرى ءار جىلدىڭ اياعىندا باس قوسىپ، اقىلداسا وتىرىپ، جىلدىڭ ەڭ ناشار كىتابىنا «قۇرمەت گراموتاسىن» بەرەتىن كورىنەدى.

* بۇرىنعى باتىس گەرمانيادا شىعىپ تۇراتىن «كونكرەت» اتتى جۋرنالدىڭ جىلدىڭ ەڭ جامان شىعارماسىنا، ياكي ەڭ دارىنسىز اۆتورىنا بەرىپ تۇراتىن سىيلىعى بار ەكەن. ونى العان ادام بۇدان بىلاي قاراي مۇنداي كىتاپ جازباۋعا جانە وسى سىيلىققا كەلگەن اقشاعا باسقا ءبىر ماماندىق الام دەپ ۋادە بەرۋگە ءتيىس ەكەن.

* شري- لانكادا ارحەولوگيالىق قازبا جۇمىستارىمەن شۇعىلدانعان امەريكا عالىمدارى ءار پاراعى تازا التىننان دايىندالعان عاجاپ ءبىر كىتاپ تاۋىپ الىپتى. وندا كونە ءۇندىستاننىڭ بەلگىلى ءبىر داستانى باسىلعان دەيدى.

* فرانسيانىڭ نانتا قالاسىندا تۇراتىن ءبىر دارىگەر-فارماتسەپت وتىز بەس جىل بويىنا ءار ەلدىڭ گيمندەرىن جيناۋمەن شۇعىلدانىپتى. فرانس پرەسس اگەنتتىگىنىڭ حابارلاۋىنا قاراعاندا ونىڭ كوللەكسياسى بۇگىندە ءجۇز ەلۋدىڭ ۇستىنە شىعىپتى.

* بۇدان ءدال ون جىل بۇرىن سيريا عالىمدارى باسقا اعايىنداس ارىپتەستەرمەن بىرىگە وتىرىپ، «بۇكىل اراب ەنسيكلوپەدياسىن» شىعارۋعا كىرىسكەن. بۇل جيىرما تومدىق ۇلكەن ەڭبەكتىڭ ءارقايسىسى مىڭ بەتتەن تۇرادى.

* فرانسيادا نەبارى سەگىز ساعات ىشىندە ءبىر ولەڭدەر جيناعىن باسىپ شىعارعان. تاڭعى ساعات توعىزدا قولجازباسىن اكەلىپ تاپسىرعان اۆتور كەشكى ساعات بەستە جىرقۇمارلارعا قولتاڭبا ۇلەستىرە باستاعان.

* ءبىزدىڭ جىل ساناۋىمىزدان بۇرىنعى ءۇشىنشى عاسىردىڭ باسىندا تۇرعىزىلىپ، جاڭاشا جىل ساناۋدىڭ باسىندا ريمدىكتەردىڭ شابۋىلى كەزىندە ورتەنگەن دۇنيەنىڭ سەگىزىنشى عاجابى - الەكساندر كىتاپحاناسى قالپىنا كەلتىرىلدى. كەزىندە تەڭدەسى جوق بۇل كىتاپحانادا مىڭداعان پاپيرۋس ورالىمدارى بولعان.

* فرانسيا پرەزيدەنتى بولعان فرانسۋا ميتتەراننىڭ ارتىندا قالعان ولمەس ەڭبەگى - پاريجدە سالىنعان ەش جەردە، ەش ەلدە بولماعان تەڭدەسى جوق سۋپەر كىتاپحانا. ول وسى وتكەن جيىرماسىنشى عاسىردىڭ عىلىمي- تەحنيكالىق جاڭالىقتارىنىڭ ۇلى جەمىسى.

قادىر مىرزا ءاليدىڭ «جازمىش» كىتابىنان. 2004 -جىل. دەرەكتەر ينتەرنەتتەن الىندى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى