روزا وتىنبايەۆا قىرعىز ۇكىمەتىنە قازاقستاننان ۇلگى الۋدى ۇسىندى

 «ءبىز باتىس پەن شىعىستان تاجىريبە الۋدى ويلاستىرىپ وتىرمىز، ال كورشىمىز قازاقستان بولسا، وتە قىزىقتى تۇردە دامىپ كەلەدى»، - دەدى روزا وتىنبايەۆا قىرعىزستان رەسپۋبليكاسى مەملەكەتتىك ورگاندارى قوعامدىق كەڭەسىنىڭ جىل سايىنعى كونفەرەنتسياسىندا.

«قوعامدىق كەڭەستەر، مينيسترلىكتەردىڭ قىزمەتكەرلەرىنە قاراعاندا سىزدەردىڭ بوس ۋاقىتتارىڭىز كوبىرەك. سوندىقتان كەڭەس بەرىڭىزدەر، كومەكتەسىڭىزدەر، وقىڭىزدار، زەرتتەڭىزدەر. كورشى مەملەكەتتە قانداي مەملەكەتتىك قىزمەت ۇسىنىپ وتىرعانىن بايقاڭىزدار. ءبىزدىڭ قىرعىزستاندىقتار ءۇشىن نەلىكتەن وسىنداي جاعداي جاساماسقا. الماتى قالاسىنىڭ سايتىندا ءار ازامات كەز كەلگەن اقپاراتتى تابا الادى. وندا جاس اكىمنىڭ ءومىربايانىنان باستاپ، نىسانداردىڭ سىزباسى، ورنالاسقان جەرىنىڭ كەستەسىنە دەيىن جانە وزگە دە قىزمەتتەردى تابۋعا بولادى»، - دەدى ەكس- پرەزيدەنت.

ر. وتىنبايەۆا قوعامدىق كەڭەستەردىڭ مىندەتى - مينيسترلىكتەردىڭ جۇمىسىنىڭ كونتەنتىن قۇرۋ، جاڭا جولعا كوشۋىنە كومەكتەسۋ ەكەنىن اتاپ ءوتتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى