پەتەربوردا بەلگىسىز بىرەۋلەر پوليتسەيلەر مىنگەن كولىككە وق جاۋدىردى

كولىك وتقا ورانىپ، جارىلدى. الدىن الا بولجامعا قاراعاندا، وندا پوليتسەيلەر بولعان.

ب ا ق- تا بۇل وقيعاعا قاتىستى قوسىمشا مالىمەتتەر شىعۋدا.

 بۇگىن، 4 -جەلتوقساندا، شامامەن تاڭعى 11 دە مۋرينسك جولىندا ۋاز جەڭىل كولىگى وتقا ورانىپ، جارىلدى. كۋاگەرلەردىڭ ايتۋىنشا، بەلگىسىز بىرەۋلەر وعان اۆتوماتتان وق جاۋدىرعان. قاسكۇنەمدەر وقيعا ورنىنان كوك ءتۇستى «حەنداي اكسەنت» كولىگىمەن ىزدەرىن سۋىتتى. ولار وزدەرى جويعان كولىكتەن ءبىر سومكەنى الىپ قاشقان.

وقيعا كۋاگەرلەرى ايتقانداي، ۋاز- دا پوليتسەيلەر بولعان. باستاپقىدا باندىلار «گازەلدىڭ» كومەگىمەن كولىكتىڭ جۇرۋىنە كەدەرگى كەلتىرگەن، ارتىنشا وعان وق جاۋدىردى. كۋاگەرلەرگە سەنسەك، ءبىر پوليتسەي وق جاراقاتىنان قازا تاپقان، تاعى ءبىرىن كۇيىك شالدى. وقيعا ورنىنا ولاردىڭ ارىپتەستەرى جەتتى.

سوڭعى مالىمەتتەرگە قاراعاندا، وتقا ورانعان ۋاز- دا ينكاسساتورلاردىڭ كولىگىن كۇزەتكەن پوليتسەيلەر بولعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى