بەكبولات تىلەۋحان شەتەلدە نە ايتتى؟
كەشە مانچەستەرگە بەكبولات تىلەۋحان اعامىز كەلەدى دەگەندى ەستىگەسىن، وقىلماي قالعان كىتاپتى، جازىلماي قالعان ەسسەلەردى تاستاپ «قىزىل قالا» قايداسىڭ دەپ تارتىپ وتىردىق.
بۇعان دەيىن دە انگلياعا قازاقتار كەلىپ ءجۇر عوي. ءتۇرلى كەزدەسۋلەر ۇيىمداستىرادى. الايدا بىردە- ءبىرى ءدال كەشەگىدەي ۇلتتىق رۋحتا وتكەن ەمەس. سالەمىن قازاقشا ايتىپ، اڭگىمەسىن ورىسشا جالعايتىنداردىڭ پلاتسدارمى «تۇماندى البيونعا» كەلىپ جەتكەنىنە كوز ۇيرەنىپ، قۇلاق كونگەندى. ءبىرسارىندى وسىنداي جيىننان شارشاعان سوڭ، قولدى ءبىر سەرمەيتىنبىز. بەكبولات تىلەۋحان اعامىزدى ۇلتتىڭ مۇددەسىن ايتىپ جۇرەتىن قوعام قايراتكەرى دەپ قابىلداعان بىزگە بۇل كەزدەسۋ ەكى ءتۇرلى سەبەپپەن قىزىق بولدى: بۇل فورمات بۇرىنعى فورماتتان وزگەرەك بولا ما؟ الدە سارى ورىس سالعان سارا جولمەن جۇرەمىز بە؟ ەكىنشىسى - ول كىسى شەتەلدە نە ايتار ەكەن دەپ سىناي قاراۋعا دا مۇمكىندىك تۋدى.
كەزدەسۋ وتە تاماشا دەڭگەيدە ءوتتى. بەكبولات تىلەۋحان دا، قاسىنا ەرە كەلگەن مۇحامەدجان تازابەك تە كوڭىلدە جۇرگەن ويلاردى ايتتى.
مەنىڭ كوڭىلىمنەن شىققان ماسەلەر:
1. قازاقتان باسقا قازاقتىڭ دوسى جوق. قازاقستانداعى كەلەڭسىز جاعدايلاردى باسقالار كەلىپ شەشىپ بەرمەيدى. ەۋروپا وركەنيەت جاعىنان دامىسا دا، ءوز ەلىمىزدى ۇمىتپاۋىمىز كەرەك.
2. ءار قازاق مەملەكەتشىل ءارى حالىقشىل بولۋى ءتيىس. كەلىسەمىن، مەملەكەت پەن حالىقتى ءبىر- بىرىنەن ايىرۋعا بولمايدى. (ەگەر بۇل جەردەگى مەملەكەتتىڭ ماعىناسى بيلىك بولسا، مەن قوسىلمايمىن. بيلىك پەن مەملەكەت ءبىر ۇعىم ەمەس) .
3. ەلىمىز بىزگە سەنىممەن قارايدى. سالىعىن تولەپ، شەتەلدە وقىتىپ جاتقان سوڭ، ەلگە بارعان سوڭ ايانباي تەر توگۋ كەرەك. كادىمگىدەي بىزگە ارتىلعان جاۋاپكەرشىلىكتى سەزىندىرەتىن سوزدەر بولدى.
بۇدان بولەك تاعى تالاي نارسە ايتىلدى عوي. سولاردىڭ ىشىندە جوعارىداعى ۇشەۋىن بولەك كورسەتكىم كەلدى. وسىنداي ءبىر اڭگىمەگە شولىركەپ جۇرگەندىكتەن، كوڭىلىمىز فيرداۋستىڭ ءشارباتىنان ءدام تاتقانداي راحات كۇيگە بولەنگەنى جاسىرىن ەمەس.
كەزدەسۋ بارىسىندا ەڭ ەستە قالعان ماقالى مىناۋ بولدى: بۇقانىڭ ءوزى قارتايسا دا، مۇرنى قارتايمايدى. اۋىلدا جۇرگەندە سيىر مەن بۇقانىڭ «ماحابباتىنا» تالاي كۋا بولعاندىقتان، جاقسىلاپ كۇلىپ الدىم. بۇرىن ەستىمەگەن ماقالىم ەكەن.
كەزەك سۇراق- جاۋاپقا كەزەك بەرىلگەن. كوڭىلدە جۇرگەن سۇراقتار كوپ ەدى. سولاردىڭ ىشىنەن كەرەكتى دەگەن ۇشەۋىن سۇرادىم. "قازاق سپورتىنداعى باسقا ۇلت وكىلدەرى"، "ۇلتتىق كيىم بيزنەسى" جانە "شەتەلدەگى قازاقتىڭ ءيميدجى (ياعني سىرتقى كەلبەتى، كيىمى) . سۇراعىمنىڭ سوڭىندا ءبىراز بۇرىن بەكبولات اعامىزدىڭ باستاماسىمەن شىققان قازاقى كيىمدەردى انگلياعا كەتەر الدىندا العىم كەلگەنىن ايتقانىم جاقسى بولار ما؟ ! بەكەڭنىڭ قولىنان قازاقى ويۋى بار اسەم اياق كيىمگە يە بولىپ قالدىم.
كەزدەسۋدىڭ سوڭىندا بەكبولات اعامىز دومبىرامەن قۇيقىلجىتا ەكى ولەڭ ورىنداپ بەردى. دەلەبەمىز قوزىپ، ءبىر جاساپ قالدىق. ءبىر ساتتە ءوزىمىزدى قازاقستاندى جۇرگەندەي سەزىندىك.
اباي وتاردىڭ ف ب- جازباسىنان
