جاپوندىق بيزنەسمەندەردىڭ قازاقستانعا دەگەن قىزىعۋشىلىعى ارتۋدا - ماساەسي كاموحارا
«23 - جەلتوقساندا ءبىز يمپەراتور اكيحيتونىڭ تۋعان كۇنىن اتاپ وتەمىز. وسى ايدا قازاقستاندىقتار دا تۇڭعىش پرەزيدەنت كۇنىن اتاپ وتكەنىنە قۋانىشتىمىن. قازاقستان ءۇشىن تۇڭعىش پرەزيدەنت كۇنىنىڭ ءمانى ەرەكشە. تاۋەلسىزدىك العاننان بەرى ەلدى ءبىر پرەزيدەنت باسقارىپ كەلەدى. مەملەكەت باسشىسى حالقىمەن بىرىگىپ تابيعي رەسۋرستارعا باي جەردە ورنالاسقان ەلىن دامىتتى. الايدا رەسۋرسقا تىرەكتىڭ تاۋەكەلى بار، قازىر مۇنايعا باعا تومەندەدى، مەنىڭشە، قازاقستان ەكونوميكاسىن قايتا قۇرىلىمداۋ تۋرالى شەشىم قابىلداۋ دۇرىس بولادى»، - دەپ اتاپ ءوتتى ول.
«بيىل ءبىزدىڭ كوشباسشىلارىمىز اراسىندا ەڭ جوعارعى دەڭگەيدە كەزدەسۋ ءوتتى. وسى ساپار دا ءبىزدىڭ قاتىناستاردىڭ، اسىرەسە ەكونوميكاداعى قاتىناستاردىڭ جىلدام دامۋىنا وڭ سەرپىن بەرەدى دەگەن ۇمىتتەمىن»، - دەدى كاموحارا.
«بۇگىندە جاپوندىق بيزنەسمەندەردىڭ قازاقستانعا مۇددەلىلىگى ارتىپ وتىر»، - دەپ قوستى ەلشى.
