قازاق اقىنىنىڭ ەسكەرتكىشىنە ءمىنىپ، سۋرەتكە تۇسكەن بويجەتكەن كوپشىلىكتىڭ اشۋىن كەلتىردى - فوتو
عالامتوردا قىزىلوردا قالاسىندا ورنالاسقان اقىن، دراماتۋرگ ءابدىلدا تاجىبايەۆتىڭ ەسكەرتكىشىنە ءمىنىپ، سۋرەتكە تۇسكەن بويجەتكەننىڭ فوتوسى پايدا بولدى. كوپشىلىك ءبىر اۋىزدان سەلفيشىل قىزدى « ءارۋاق سىيلامايدى، سۇيىكتى اقىندى قۇرمەتتەمەدى» دەپ سوگىپ، ءتارتىپ ساقشىلارىنان دەرەۋ تاۋىپ، جازالاۋدى تالاپ ەتىپ وتىر.
دەگەنمەن دە بەلسەندى حالىقتىڭ باسىم كوپشىلىگى قىزىلوردا تۋمالارى بولعانىمەن، ازىرگە ەشكىم پوليتسەيلەرگە ارىز تۇسىرمەگەن. قىسقا شورتى كيىپ، اشىق- شاشىق وتىرعان بويجەتكەن بۇل سۋرەتكە جاز كەزىندە تۇسكەنى كورىنىپ تۇر.
ەستەرىڭىزگە سالا كەتسەك، وسى كۇنگە دەيىن ەسكەرتكىشكە اياعىن قويىپ سۋرەتكە تۇسكەن تالاي قازاقستاندىق اكىمشىلىك جازاعا تارتىلعان بولاتىن. جاستىقتىڭ بۋىمەن جاڭا قىزىق تاپقانداردىڭ الدى 20 مىڭ تەڭگەدەن اسا ايىپپۇل تولەپ، ارەڭ قۇتىلعان.
دەرەككوز: NUR. kz
