بەلگىلى جازۋشى، دراماتۋرگ قالمۇقان يساباي كوز جۇمدى

ەرتەڭ جازۋشىلار وداعىنىڭ عيماراتىندا تاڭەرتەڭگى ساعات 10-دا جازۋشىنى اقتىق ساپارعا شىعارىپ سالۋ ءراسىمى وتەدى.

 قالمۇقان يساباي 1925 - جىلى پاۆلودار وبلىسىنداعى باياناۋىلدا تۋعان. قازاق مەملەكەتتىك ۋنيۆەرسيتەتىن ءتامامداعان.

1955-1985 -جىلدارى «سوتسياليستىك قازاقستان» گازەتىندە ادەبي قىزمەتكەر، «جۇلدىز» جۋرنالىنىڭ ءبولىم مەڭگەرۋشىسى، قازاقستان جازۋشىلار وداعى جانىنداعى ادەبيەتتى ناسيحاتتاۋ بيۋروسىنىڭ ديرەكتورى قىزمەتتەرىن اتقارعان. 1985 - جىلدان باستاپ شىعارماشىلىق جۇمىسپەن اينالىسادى. العاشقى اڭگىمەلەر جيناعى - «بايان» اتتى اڭگىمەسى 1959 - جىلى جارىق كوردى. بۇدان سوڭ «اجال قۇرساۋىندا»، «جۇمباق ءۇي»، «بەتپە- بەت»، «سوڭعى تاۋلىك» پوۆەست، اڭگىمە، وچەركتەر جيناقتارى، «سۇڭقار سامعاۋى»، «ايقىز»، «جولداس كومەندانت»، «كوگىلدىر قازىنا»، «سەرت»، «ارنا» ت. ب. روماندارى باسىلدى.

قىزىل جۇلدىز، ەڭبەك قىزىل تۋ، 1 - دارەجەلى وتان سوعىسى، قۇرمەت وردەندەرىمەن، جانە كوپتەگەن مەدالدارمەن ماراپاتتالعان.

اۆتور: گۇلميرا عوسمانالي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى