س. احمەتوۆ ءىسى: سوتتالۋشى ب. ابدىشەۆتىڭ ادۆوكاتى جارىس ءسوز بارىسىندا قورعالۋشىسىنىڭ كىناسىزدىگىن دالەلدەي المادى
مەملەكەتتىك ايىپتاۋشىنىڭ ءسوز سويلەۋى بارىسىندا تەرگەۋ امالدارى بارىسىندا قول جەتكىزىلگەن ايعاقتار مەن كۋاگەرلەردەن الىنعان تۇسىنىكتەر ءىس فيگۋرانتتارىنىڭ قىلمىسقا تىكەلەي قاتىسى بار ەكەندىگىن دالەلدەيتىندىگى بەلگىلى بولدى.
وسىنىڭ نەگىزىندە پروكۋرور س. احمەتوۆتى مۇلكىن تاركىلەپ، 5 جىلعا جاۋاپتى مەملەكەتتىك قىزمەتپەن اينالىسۋىنا شەكتەۋ قويا وتىرىپ، 12 جىلعا باس بوستاندىعىن ايىرۋدى سۇرادى. قالعان سوتتالۋشىلار 3 تەن 8 جىلعا دەيىن باس بوستاندىعىنان ايىرىلۋى مۇمكىن.
جارىس ءسوز بارىسىندا كەزەك سوتتالۋشىلاردىڭ ادۆوكاتتارىنا كەلىپ جەتتى. العاشقى بولىپ قاراعاندى وبلىسىنىڭ بۇرىنعى اكىمى باۋىرجان ابدىشەۆتىڭ قورعاۋشىسى نۇرلان بەكبەرگەنوۆ ءسوز الدى. ونىڭ قورعالۋشىسىنا پروكۋراتۋرا 7 جىل باس بوستاندىعىنان ايىرۋ جازاسىن سۇراعان ەدى.
قورعاۋشىنىڭ سوزدەرى ب. ابدىشەۆتىڭ جازىقسىزدىعىن دالەلدەۋدەن گورى تەرگەۋشىلەر مەن پروكۋرورلاردى ايىپتاۋ تۇرىندە بولدى ءارى ونىڭ نەگىزسىز ەكەندىگى انىق بايقالىپ تۇردى.
بىرىنشىدەن، العاشقى مينۋتتاردان-اق ن. باقبەرگەنوۆ تەرگەۋ امالدارى بارىسىندا اتالعان ىستە كۋاگەرلىگى ناقتى ناتيجەلەر بەرەتىن كۋالەردىڭ شاقىرىلماعاندىعىن ايتتى. ءبىراق، بىردەن، قورعاۋشىنىڭ ولاردى شاقىرۋعا مۇمكىندىگى بولا تۇرا ونى نەلىكتەن پايدالانبادى دەگەن ساۋالدىڭ تۋىندايتىندىعى انىق. دەمەك، قورعاۋشىلار تارابىنان ونداي ادامداردىڭ مۇلدەم بولماعانى عوي.
ەكىنشىدەن، ادۆوكات تەرگەۋ بارىسىندا قىلمىستىڭ باسقا دا نۇسقالارى قاراستىرىلماعاندىعىن تىلگە تيەك ەتكەنىمەن ونىڭ قانداي نۇسقا ەكەندىگىن ايتا المادى.
ۇشىنشىدەن، ن. بەبەرگەنوۆ جەكەلەگەن تەرگەۋشىلەردىڭ «قيال-عاجايىپ» سوزدەرىنە بوي الدىردى دەپ مەملەكەتتىك ورگانداردى ايىپتاي باستادى.
تورتىنشىدەن، تەرگەۋ امالدارى بارىسىنداعى ب. ابدىشيەۆتىڭ بارلىق مويىنداۋ تۇسىنىكتەمەلەرى ورگانداردىڭ قىسىمى بارىسىندا الىندى دەيدى. بۇل ماسەلە بارىنشا قىزىعۋشىلىق تۋىنداتادى. ويتكەنى، ابدىشەۆ تە، ونىڭ ادۆوكاتتارى دا وسى ۋاقىتقا دەيىن بۇل جايىندا مالىمدەمە جاساماعان ەدى.
