ۇزدىك ۇلاندىقتار الماتىدا باس قوستى

اتالمىش شارا ۇلتتىق ۇلان وفيتسەرلەرىنىڭ اسكەري-جاۋىنگەرلىك دايارلىعىن كوتەرۋ ءۇشىن، سونداي-اق باتالون بۋىنىنداعى ساردارلاردىڭ كاسىبي بىلىكتىلىكتەرىن جوعارىلاتۋ، تاجىريبەلىك بىلىمدەرىن ارتتىرۋ، ولاردى قىزمەتتىك تاپسىرمالاردى ورىنداۋعا جىگەرلەندىرۋ ماقساتىندا وتكىزىلىپ وتىر.

ۇلاندار اراسىندا ۇزدىكتەردى انىقتاۋ 4- جەلتوقسانعا دەيىن جالعاسادى.

سايىسقا قاتىسۋعا جامبىل، الماتى،  قىزىلوردا، وڭتۇستىك قازاقستان وبلىستارىنىڭ ۇلاندارى كەلىپ وتىر. ولار مەملەكەتتىك-قۇقىقتىق دايىندىق، قىزمەتتىك-جاۋىنگەرلىك قولدانۋ تاكتيكاسى، ق ر ق ك باسقا دا اسكەرلەرى مەن اسكەري قۇرامالارىنىڭ جالپى اسكەري جارعىسىن بىلۋدەن باق سىناسادى.

 سونىمەن قاتار سايىسقا قاتىسۋشىلار دەنە دايىندىعى، ياعني، 100 مەترگە جۇگىرۋ، بەلتەمىردە تارتىلۋ، 3000 مەتر قاشىقتىققا جۇگىرۋ سىندى نورماتيۆتەردەن سىناق تاپسىرادى. بۇعان قوسا، ولاردى اتىس دايىندىعىنان سىناقتار كۇتىپ تۇر.

سايىستىڭ نەگىزگى تالابى - ماكاروۆ تاپانشاسىنان 1№ اتىس جاتتىعۋدان ءوتۋ. جەڭىمپازداردى ماراپاتتاۋ 5571 اسكەري ءبولىمىنىڭ كلۋبىندا ەرتەڭ وتەدى. وڭىرلىك سايىستىڭ جەڭىمپازدارى استانا قالاسىندا جوسپارلانعان اقتىق سايىسقا «وڭتۇستىك» قولباسشىلىعىنىڭ نامىسىن قورعاۋعا اتتانباق.

اۆتور: گۇلميرا عوسمانالي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى