ق ر قورعانىس مينيسترلىگىنىڭ سايتى جۇلدەگەر اتاندى
ق ر قورعانىس مينيسترلىگىنىڭ mod.gov.kz رەسمي سايتى 7 جىلدان استام قىزمەت ەتۋدە. الايدا، «جاڭا باعىتقا» ول ءبىر جىل بۇرىن كوشتى. وسى جىلدىڭ ناۋرىزىندا قايتا وڭدەلىپ، ونىڭ ينتەرفەيسى تولىعىمەن وزگەرىسكە ۇشىرادى. قولدانىستاعى بولىمدەر مەن سايتتىڭ فۋنكتسياسى جاڭارتىلدى، تىڭ جاڭالىق ەنگىزىلدى.
ق ر ق م جۇرتشىلىق قىزمەتىن جاريالاۋ ءۇشىن ارنالعان ءار ءتۇرلى بولىمدەر، ق ر قارۋلى كۇشتەرىنىڭ اسكەر تۇرلەرىنىڭ كىشى سايتتارى پايدا بولدى. ەلەكتروندىق وتىنىشتەردى قابىلداۋ ءبولىمى قۇرىلدى. وسىناۋ بارلىق اتقارىلعان جۇمىستىڭ جەمىسى رەتىندە سايتقا كىرۋ 30 رەتكە ەسەلەنە ءتۇستى، ەگەر 2014-جىلى سايتقا كىرۋدىڭ ورتاشا ەسەبى ايىنا 900 سەانستى قۇراسا، قازىرگى ساتتە 29000 سەانستى قۇرايدى. پايدالانۋشىلاردىڭ باعا بەرۋى بويىنشا جاريالانىمنىڭ ساپاسى ەلەۋلى جاقساردى. كۇن سايىن سايتقا 3 تەن اسا بىرەگەي اقپاراتتىق باسپا ءسوز رەليزى، سۇحبات، بەينەسيۋجەت، فوتورەپورتاج جانە ت. ب. شىعادى.
جۇلدەنىڭ ەرەكشەلىگى بۇل بايقاۋداعى ءبىرىنشى كەزەڭدە ۇزدىكتەردى قازاقستاندىق ساراپتاۋ توبى انىقتايدى. وعان سايتتاردى ازىرلەۋ جانە ىلگەرىلەتۋ اياسىنداعى ماماندار كىرەدى. ەكىنشى كەزەڭدە حالىقارالىق ساراپشىلاردان قۇرالعان كاسىبي ءادىلقازىلار القاسى.
AWARD.kz ۇلتتىق عالامتور جۇلدەسى قازنەت ۆەب- سايتتارىنىڭ بايقاۋى بولىپ تابىلاتىنىن ايتا كەتەيىك. وندا ەلىمىزدىڭ ەڭ ساپالى، قىزىقتى، پايدالى جانە كوركەم سايتتارىن ايقىندايدى جانە ولارعا ۇلتتىق عالامتور جۇلدەسىنىڭ قۇرمەت ماراپاتتارىن تابىس ەتەدى. جىل سايىن 13 جىل بويى وتۋدە.
