تۇركىمەن مەكتەپتەرى مەن جوعارعى وقۋ ورىندارىندا قىتاي ءتىلى ەكىنشى شەت ءتىلى بولادى
رەسپۋبليكا استاناسى اشحابادتا التى مەكتەپتە، بالكانسك وبلىسىندا بەس، لەباپسكتە ءۇش جانە احالسك، جاشوگۋزسك، مارىيسك وبلىستارىنىڭ ءار ەكى مەكتەبىندە جاڭا تىلدىك ءپان وقىتىلاتىن بولادى.
كەلەسى وقۋ جىلىنان باستاپ قىتاي مەن جاپون تىلدەرى ءبىرقاتار ج و و- لاردا تىلدىك ەمەس ماماندىق ستۋدەنتتەرىنە مىندەتتى ءپان بولادى. بۇدان باسقا، ۇكىمەت ۋنيۆەرسيتەت پەن ينستيتۋتتاردى جاپون جانە قىتاي تىلدەرى بويىنشا وقىتۋشىلىق ماماندارمەن قامتاماسىز ەتۋ ءۇشىن ستۋدەنتتەر جيناۋدى ۇلعايتۋدى جوسپارلاۋدا.
ايتا كەتەيىك، قازىرگى ۋاقىتتا تۇركىمەنستان ج و و- لارى مەن مەكتەپتەرىندە شەت ءتىلى رەتىندە اعىلشىن، نەمىس نەمەسە فرانسۋز تىلدەرى وقىتىلادى.
