مەملەكەتتىك كىرىس دەپارتامەنتىنىڭ بۇرىنعى قىزمەتكەرىنە قاتىستى سوت ۇكىمى شىقتى - ماڭعىستاۋ
قىلمىستىق ءىس ماتەريالدارىنا سايكەس، ع. قايراليەۆ ماڭعىستاۋ وبلىسى بويىنشا «اقتاۋ س ت و» كەدەن بەكەتى باسشىسىنىڭ قىزمەتىنە جالپى ىقپال جاساعاندىعى ءۇشىن 2000 ا ق ش دوللارى كولەمىندە پارا الۋعا وقتالعان.
اقتاۋ قالالىق سوتىنىڭ ۇكىمىمەن ع. قايراليەۆ قازاقستان رەسپۋبليكاسى قىلمىستىق كودەكسىنىڭ 24-بابىنىڭ 3-بولىگىندە، 366-بابىنىڭ 2-بولىگىندە كوزدەلگەن قىلمىستى جاساعانى ءۇشىن كىنالى دەپ تانىلدى. وعان 5 جىلعا باس بوستاندىعىنان ايىرۋ، مەملەكەتتىك قىزمەت اتقارۋ قۇقىعىنان ءومىر بويىنا ايىرا وتىرىپ، وزىنە ءتيىستى جەكە مۇلكىن تاركىلەۋ جازاسى تاعايىندالدى.
سونىمەن قاتار، اقتاۋ قالالىق سوتى قازاقستان رەسپۋبليكاسى قارجى مينيسترلىگىنىڭ مەملەكەتتىك كىرىس كوميتەتىنىڭ ءبىرىنشى باسشىسىنىڭ اتىنا جانە اتىراۋ وبلىستىق ادۆوكاتتار القاسىنىڭ اتىنا انىقتالعان زاڭ بۇزۋشىلىقتار تۋرالى جەكە قاۋلى شىعاردى.
ۇكىم زاڭدى كۇشىنە ەنگەن جوق.
اۆتور: ن. نۋراحمەت
