روزا ءالقوجانى دەمەۋشىلەرى كونسەرت الدىندا «لاقتىرىپ» كەتتى

روزا ءالقوجا ءوزىنىڭ اۋىلداستارى قازاقستاندا ەمەستىگىنە دە كوڭىلى تۇسكەن. ول بارلىق رەنىش دەمەۋشىلىك جاسايتىن ازاماتتاردىڭ اياق استى سوزىنەن تايقىپ كەتۋىنەن شىققانىن العا تارتادى. ءارتىس رۋلاستار مەن جەرلەستەردىڭ قولداۋىنا مۇقتاج ەكەنىن كونسەرت قوياردا سەزەتىنىن جاسىرمايدى.

«ەلگە قاراساڭ اعالارى اقىل قوسىپ، جەڭگەلەرى كوپ قىزمەت ىستەپ، اۋىلى ات مىنگىزىپ، اعايىنى توي جاساپ جاتادى. ءبىراق مەن رۋعا جاتپايمىن. سوسىن اۋىلىم شەكارانىڭ ار جاعىندا... ەشكىمگە وكپەم جوق. ونەر وزىمدىكى، ءوزىم ءۇشىن جۇمىس جاسايمىن. كەمىندە 3 ميلليوننىڭ شارۋاسىنا باسىم قاتىپ وتىرعان تەك ماعان وكپەلەپ جاتقاندارى كۇلكىلى»، - دەپ جازادى روزا ءالقوجا.

ءانشى دەمەۋشىلەرىنىڭ «لاقتىرىپ» كەتۋىنىڭ سەبەبىن دە ءتۇسىندىردى. ءبىر ەل اعاسى كونسەرتتە «ءان ايتىپ شىقپاعانى» ءۇشىن كەلمەيمىن دەسە، وزگە كاسىپكەر ءبىر انشىسىنە «روزا ءان بەرمەدى» دەپ وكپەسى قارا قازانداي بولعان.

ال تىڭدارماندار انشىگە حالىقتىڭ قولداۋىن ۇمىتپاۋدى، كونسەرتكە بيلەت الۋشىلاردىڭ كوپ ەكەنىن تىنىمسىز ايتىپ جاتىر.

Nur.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى