الماتى وبلىسىندا تۋريستەر ءۇشىن اۋەجاي سالىنادى

بۇل تۋرالى بۇگىن ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا الماتى وبلىسىنىڭ اكىمى اماندىق باتالوۆ ءمالىم ەتتى.

ونىڭ سوزىنە قاراعاندا، بۇگىندە تۋريزم الاكول جانە بالقاش كولدەرى جاعالاۋىندا قارقىندى دامىپ كەلەدى. وسى ورايدا الاكول كولىندە ءىرى ينۆەستورلارعا جەر ءبولۋ، قاجەتتى ينفراقۇرىلىمدى تارتۋ تۇرعىسىندا كومەك كورسەتىلدى. قازىرگى كەزدە ءبىر بەس جۇلدىزدى قوناق ءۇيدىڭ قۇرىلىسى اياقتالۋعا جاقىنداپ، ەكىنشىسىنىڭ قۇرىلىسى باستالدى. اقشي اۋىلى مەن وسىندا ورنالاسقان تۋريستىك نىسانداردى ەلەكتر ەنەرگياسىمەن تۇراقتى قامتاماسىز ەتۋ ءۇشىن 600 ميلليون تەڭگە ءبولىندى.

سونىمەن قاتار ول اتالعان دەمالىس ورىندارىنا تۋريستەردىڭ ساپارلاۋىنا قولايلى بولۋى ءۇشىن جولداردىڭ ساپاسىنا ەرەكشە ءمان بەرىلەتىندىگىن اتاپ ءوتتى.

«الداعى ۋاقىتتا مەملەكەت باسشىسىنىڭ تاپسىرماسى بويىنشا ءۇشارال قالاسىندا اۋەجاي سالعىمىز كەلەدى. وسى جەردەن تۋريستەردى اقشي اۋىلىنا جەتكىزەمىز. ياعني، ولار الاكولدىڭ جاعاسىندا قولايلى جاعدايلارمەن دەمالىسقا كەلە الادى. وسى ورايدا ءۇش گەكتار جەر ءبولىندى»، - دەدى ا. باتالوۆ.

ونىڭ ايتۋىنشا، بيىل دەمالۋعا كەلەتىندەر سانى ءبىر جارىم ەسەگە ارتقان ەكەن.

اۆتور: رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى