الماتىدا ورتكە ۇشىراعان ساۋدا ءۇيىنىڭ بۇرىنعى باس ديرەكتورى ءىس-ءتۇزسىز جوعالىپ كەتتى
بۇل تۋرالى بۇگىن الماتىدا وتكەن ارنايى باسپا ءسوز ءماسليحاتى بارىسىندا «كاسىپكەرلەر مەن مەنشىك يەلەرى وداعى» قوعامدىق بىرلەستىگىنىڭ پرەزيدەنتى ۆاسيلي رەزۆان مالىمدەدى.
«ءبىز قازىر دابىل قاعىپ جاتىرمىز. بۇعان الماتى قالالىق ءى ءى د 2015 -جىلدىڭ 14 -قاراشاسىنداعى قاۋلىسى نەگىز بولىپ وتىر. وعان تەرگەۋشى مىندەتىن اتقارۋشى، پوليتسيا مايورى سۇلتانقۇلوۆ قول قويعان. قاۋلىدا بىلاي دەپ جازىلعان: «قۇرىلتايشى ەربول تىمبايەۆتىڭ شەشىمىمەن «الماتى XXI عاسىر» ج ش س ديرەكتورى لاۋازىمىنا تاعايىندالعان زويا زاماشيكوۆا قازىرگى تاڭدا تىمبايەۆتىڭ قايدا ەكەندىگىنەن بەيحابار ەكەندىگىن مالىمدەدى».
كۋاگەر رەتىندە جاۋاپ الىنعان زويا زاماشيكوۆا سونداي-اق، بۇل قىزمەتكە جالعىز قۇرىلتايشى ەربول تىمبايەۆتىڭ شەشىمىمەن 2015 -جىلدىڭ 11 -قىركۇيەگىندە تاعايىندالعاندىعىن ايتقان. بۇل تاعايىنداۋ نەگە بايلانىستى؟ ويتكەنى، «ادەم-1» ساۋدا ءۇيىنىڭ باسقارۋشى كومپانياسى - «الماتى XXI عاسىر» ج ش س قۇرىلتايشىسى ەربول تىمبايەۆتىڭ وسى ساۋدا ءۇيىن باسقارۋ قۇقىعىن «اليپ» كومپانيالار توبىنا وتكىزگەن. زويا زاماشيكوۆا بولسا، وندا ءبىر فيرمانىڭ ديرەكتورى بولىپ قىزمەت اتقارعان. سونىمەن، قازىرگى تاڭدا تىمبايەۆتىڭ قايدا ەكەندىگى بەيمالىم بولىپ وتىر»، - دەدى ۆ. رەزۆان.
سونىمەن قاتار، ول « الماتى XXI » ج ش س بانكتەگى بارلىق ەسەپ ايىرىسۋ شوتتارىنىڭ تۇتقىندالعاندىعىن جەتكىزدى.
بۇدان باسقا، ۆاسيليي رەزۆان «الماتى الماتى XXI » ج ش س جاڭا ديرەكتورىن وسى جىلدىڭ قىركۇيەك ايىنان باستاپ، كاسىپكەرلەردەن الىنىپ جاتقان جالدىق تولەمدەردى ورتتەن زارداپ شەككەن كاسىپكەرلەرگە ۇلەستىرۋ بەرۋدى سۇرادى.
ايتا كەتەلىك، ۇستىمىزدەگى جىلدىڭ 26 -ءساۋىرى كۇنى الماتىدا «ادەم-1» ساۋدا ءۇيىن ءورت شالعان بولاتىن. ناتيجەسىندە 1600 دەن استام ساۋدا بۋتيكتەرى جانىپ كەتتى. سودان 19 -مامىردا زارداپ شەككەن كاسىپكەرلەرگە قولداۋ كورسەتۋ ماقساتىندا وپەراتيۆتىك شتاب قۇرىلدى. ونىڭ قۇرامىنا الماتى ق. كاسىپكەرلەر پالاتاسىنىڭ ساراپشىلارى، زارداپ شەككەن كاسىپكەرلەردىڭ جانە ءتيىستى مەملەكەتتىك ورگانداردىڭ رەسمي وكىلدەرى ەندى. كۇنى بۇگىنگە دەيىن كاسىپكەرلەر تاراپىنان ءوز قۇقىقتارىن قورعاۋ ماقساتىندا 668 ءوتىنىش كەلىپ تۇسكەن. سونىڭ ىشىندە 300 ءوتىنىش بويىنشا جۇرگىزىلگەن جۇمىستاردىڭ ناتيجەسىندە كاسىپكەرلەرگە كەلتىرىلگەن شىعىننىڭ كولەمى 240 ميلليون تەڭگەدەن استى.
اۆتور: جاپپاربەرگەن ايبوتا
