اتاقتى زيداننىڭ ۇلى قارسىلاسىن باسپەن ۇرىپ سۇلاتتى
كەزدەسۋ بارىسىندا «رەالدىڭ» قاقپاشىسى لۋكا زيدان «اتلەتيكونىڭ» شابۋىلشىسىمەن سوزگە كەلىپ قالعان. ونىڭ قارسىلاستى باسپەن ۇرۋ ءساتى بەينەكامەراعا تۇسپەگەن. ءبىراق مۇنى بايقاعان قىراعى سۋديا كىشى زيدانعا قىزىل قاعاز كورسەتتى.
ەستەرىڭىزگە سالا كەتسەك، 2006 -جىلعى الەم چەمپيوناتىنىڭ فينالىندا لۋكانىڭ اكەسى دە وسىنداي سوققىسىمەن كوزگە تۇسكەن ەدى. ول كەزدەسۋدەگى قوسىمشا بەرىلگەن ۋاقىتتا يتاليا قۇراماسىنىڭ قورعاۋشىسى ماركو ماتەراتستسيمەن كيكىلجىڭگە جول بەرىپ، ونى كەۋدەسىنەن باسپەن ۇرىپ قۇلاتتى.
اقىرى سول ماتچتا زيدان قىزىل قاعاز الىپ، ويىننان شەتتەتىلدى. زينەدين زيدان 2014 -جىلدان باستاپ، «رەالدىڭ» رەزەرۆ كومانداسىنىڭ جاتتىقتىرۋشىسى قىزمەتىن اتقارادى دەپ جازادى 24.kz.
