قازاقستاندا وتكەن ەرەكشە ۇيلەنۋ تويلارى
ztb.kz پورتالى ەلىمىزدەگى ەڭ وعاش تويلاردىڭ ءتىزىمىن نازارلارىڭىزعا ۇسىنادى.
اسپاندا توي وتكىزۋ
2011-جىلى الماتىدا ەرەكشە توي ءوتتى. قالىڭدىقتىڭ اكەسى جاس جۇبايلارعا توسىن سىي جاساپ، نەكەلەرىن 13 مىڭ مەتر بيىكتىكتە قيدى. ۇشاق كومانديرى قىزمەتىن اتقاراتىن ەر كىسى قىزىنىڭ نەكەسىن ءوزى تىركەۋگە العان.
Subaru فاناتتارى تويىن اۆتوسالوندا وتكىزدى
تاعى ءبىر الماتىلىقتار تويىن اۆتوسالوندا وتكىزىپ، كوپشىلىكتى تاڭعالدىردى. Subaru فاناتتارى قاتارىنداعى جاس جۇبايلار توي كورتەجىنە دە كوك ءتۇستى Subaru كولىكتەرىن پايدالانعان.
توي يەلەرى يۆان كۋلەبياكين مەن يۋليا دۋنچيەۆا سالتاناتتى كيىمدەرىنەن باستاپ، 10 كولىكتەن تۇراتىن كورتەجگە دەيىن بارلىق تاڭداۋدى وزدەرى جاساعان.
تەحنيكالىق قىزمەت كورسەتۋ ستانساسىنداعى توي
تاعى دا الماتى تۇرعىندارى ەگور مەن اناستاسيا ساۆچەنكو وزگەلەردەن ەرەكشە توي وتكىزدى. ولار تويعا وتە ەسكى كولىكپەن شىعۋدى ءجون ساناعان. كەيىن سەناري بويىنشا، جول پوليتسياسىنىڭ قىزمەتكەرى مۇنداي ەسكى كولىكپەن قالا ىشىنە جىبەرە المايتىنىن ەسكەرتەدى. توي يەلەرى مەن قوناقتار جابىلىپ كولىكتى بوياۋعا كىرىسەدى.
ەڭ قىزىقتىسى، جاس جۇبايلار نەكەسىن تىركەۋ ءۇشىن قولدارىن رەسمي احاج قۇجاتىنا ەمەس، «وتباسىلىق ءومىردىڭ تەحنيكالىق قۇجاتىنا» قويعان. ال نەكە ساقينالارى كولىكتىڭ التىن جالاتىلعان قاقپاقتارىنان جاسالعان.
ليمۋزيننىڭ ورنىنا قالالىق اۆتوبۋس
اقتوبەدە كۇيەۋ جىگىت ءوز سۇيىكتىسىن ليمۋزينمەن ەمەس، قوعامدىق كولىكپەن الىپ كەتتى. ول اۆتوبۋستى جۇرەكپەن، فوتومەن جانە شارلارمەن بەزەندىرىپ تە قويعان.
ەگىز قىزدارعا ۇيلەنگەن ەگىز جىگىتتەر
اقتاۋدا ەگىز جىگىتتەر تورەبەك پەن جولداسبەك ەگىز قىزدار اسىل مەن ايىمعا ۇيلەندى. بۇل تۋرالى ەگىز جىگىتتەردىڭ اعاسى سۇلتان ۇزاقبايەۆ حابارلادى.
جاستار ورال قالاسىندا تانىسقان. جاس جۇبايلار كوپشىلىكتىڭ ەرەكشە نازارىنا ىلىكتى.
نۇرسۇلتان نازاربايەۆتى تويعا شاقىرۋ
قوستانايدا جاس جۇبايلار تويىنا پرەزيدەنتتىڭ ءوزىن شاقىرۋدان تايىنبادى.
ناتيجەسىندە تويعا قوستاناي وبلىسىنىڭ اكىمى ءنۇرالى ءسادۋاقاسوۆ كەلىپ، جاس جۇبايلارعا پرەزيدەنتتىڭ قۇتتىقتاۋىن جەتكىزدى.
بالالار ۇيىندەگى توي
وڭتۇستىك قازاقستان وبلىسىنىڭ تۇرعىندارى ۇيىمداستىرعان توي كوپشىلىكتىڭ ماقتاۋىنا يە بولدى. جاس جۇبايلار مەيىرمان مەن ءسانيا دۇركىرەتىپ تويدى مەيرامحانادا وتكىزۋدىڭ ورنىنا بالالار ۇيىندە وتكىزگەن. ولار توي داستارحانىن كىشكەنتايلارعا جايىپ، قۋانىشىن بالاقايلارمەن بولىسكەن.
