پاريجدەگى سامميت بارىسىندا پۋتين مەن ەردوعاننىڭ كەزدەسۋى بولمادى
رەيتەرستىڭ حابارلاۋىنشا، مەملەكەت باسشىلارى پرەزيدەنتتەردىڭ ءداستۇرلى سۋرەتكە ءتۇسۋى كەزىندە جۇزدەسۋى كەرەك بولعان. الايدا، پۋتين سامميتكە كەشىگىپ باردى.
كونفەرەنسيا اياسىندا دا ەكى پرەزيدەنتتىڭ جولدارى تۇيىسپەدى. رەسەي پرەزيدەنتى تىلشىلەرگە ەردوعانمەن كەزدەسپەگەنىن اشىق ايتقان.
سيريا اۋماعىندا بولعان وقيعادان بەرى اپتادان استام ۋاقىت ءوتتى. ءبىراق ماسكەۋ- انكارا قارىم- قاتىناسى ءجىبيتىن ەمەس. كەرىسىنشە، تاراپتاردىڭ اراسىندا ىرىتكى سالاتىن جاڭا دەرەكتەر پايدا بولۋدا.
ۆلاديمير پۋتين، رەسەي فەدەراتسياسىنىڭ پرەزيدەنتى:
بىزدە بار اقپاراتقا ساي، د ا ي ش- تىڭ باقىلاۋىنداعى مۇناي ورىندارىنان تۇركياعا قارا التىن جەتكىزىلەدى. رەسەي ۇشاعىن اتىپ ءتۇسىرۋ ارقىلى، تۇرىكتەر مۇناي تاسىمالىنداعى قاۋىپسىزدىكتى قامتاماسىز ەتكەن.
ايتا كەتەيىك، وتكەن اپتادا رەسەي تۇركياعا قارسى ءبىرقاتار ەكونوميكالىق سانكسيالار ەنگىزدى. ەكى ەل اراسىندا ۆيزاسىز رەجيم جويىلىپ، تاۋار يمپورتىنا شەكتەۋ قويىلعان- دى.
