باراك وباما ۆلاديمير پۋتينمەن كەزدەسىپ، ماسكەۋ مەن انكارا جاعدايدى ۋشىقتىراتىن قادامعا بارماۋعا شاقىردى
بۇل تۋرالى تاراپتار پاريجدە كليمات ماسەلەلەرىنە قاتىستى ءوتىپ جاتقان سامميت اياسىنداعى كەزدەسۋدە مالىمدەدى.
ال پۋتين بولسا: «تۇركيا - ءوز اۋماعىنا تاسىمالداناتىن مۇنايدى قورعاۋ ءۇشىن رەسەي ۇشاعىن قۇلاتقان»، - دەيدى.
ۆلاديمير پۋتين، رەسەي فەدەراتسياسىنىڭ پرەزيدەنتى - ءبىز قوسىمشا اقپاراتقا قول جەتكىزدىك. بۇل اقپارات يراك جانە ليەۆانت لاڭكەستىك ۇيىمى جانە باسقا دا سودىرلاردىڭ باقىلاۋىنداعى ايماقتاردان وندىرىلەتىن مۇنايدىڭ تۇركيا اۋماعىنا جەتكىزىلەتىنىن ناقتىلايدى. سونداي- اق بۇگىن ا ق ش باسشىسى تۇركيا پرەزيدەنتى رەجەپ تايىپ ەردوعانمەن دە وسى ماسەلە تۋرالى سويلەستى. وباما تۇركيا ءۇشىن ەڭ باستىسى ءوز اۋماعىن قورعاۋ ەكەنىن ايتا كەلە: «ەكى تاراپ ماسەلەنى بىرلەسىپ قانا شەشە الادى»، - دەدى. 150 گە جۋىق ەلدىڭ باسىن قوسقان سامميتكە قازاقستان پرەمەر- ءمينيسترى كارىم ءماسىموۆ باستاعان قازاقستاندىق دەلەگاتسيا دا قاتىسۋدا.
