قازاق ادەبيەتىنىڭ كلاسسيگى ءىلياس ەسەنبەرليننىڭ عاسىرلىق مەرەيتويى اتالىپ ءوتتى - فوتو
«بىرلىك» ستۋدەنتتەر اسسامبلەياسىنىڭ بەلسەندىلەرى، ۇستازدار مەن اكادەميك بەيسەمبايەۆ اتىنداعى عىلىمي كىتاپحانا قىزمەتكەرلەرى قازاقتىڭ تاريحي پروزا كلاسسيگى شىعارماشىلىعىنىڭ نەگىزگى كەزەڭدەرىن تالقىعا سالدى.
«بۇگىنگى كونفەرەنسيادا ءبىز ءبىرىنشى كەزەكتە ق ر تۇڭعىش پرەزيدەنتى نۇرسۇلتان نازاربايەۆتىڭ شىعارماشىلىعى مەن ءى. ەسەنبەرلين مۇرالارىن قاتار قويىپ، تالقىلاۋعا تىرىستىق، - دەيدى «بىرلىك» ستۋدەنتتەر اسسامبلەياسىنىڭ ءتوراعاسى راميل سمايلوۆ. - ولاردى وتانعا دەگەن ۇلكەن ماحاببات جاقىنداستىرادى جانە ولار تەك بىرلىك بولعاندا عانا قازاق حالقى كۇشتى بولاتىنىن ءجيى-ءجيى ەسكە سالىپ وتىرادى».
ەسكە سالا كەتسەك، 2015-جىلى ق ر ۇلتتىق اكادەميالىق كىتاپحاناسىنىڭ باستاماسىمەن ۇيىمداستىرىلىپ كەلە جاتقان «ءبىر ەل - ءبىر كىتاپ» رەسپۋبليكالىق اكسياسى اياسىندا ءى. ەسەنبەرليننىڭ «كوشپەندىلەر» تريلوگياسى جىل كىتابى بولىپ تاڭدالعان بولاتىن.
