ۇيقىڭىز جاقسى بولسىن دەسەڭىز
نازارلارىڭىزعا ۇيىقتار الدىندا ىشەتىن ىستىق سۋسىنداردىڭ تۇرلەرىن ۇسىنىپ وتىرمىز.
تۇيمەداق شايى. تۇيمەداق شايى ءسۇت شايدى ۇناپايتىندار ءۇشىن ارنالعان. ول تىنىشتانۋعا، ءوزىڭدى جەڭىل سەزىنۋگە كومەكتەسەدى. شاي جاقسى ۇيىقتاۋعا ءوز اسەرىن بەرەدى. ۇيىقتار الدىندا ءتاتتى قىلماي تۇيمەداق شايىن ىشسەڭىز، جاس نارەستە ءتارىزدى كەرەمەت كۇيگە ەنەسىز.
كاكاو. قىشقىل ءدامدى سۋسىن. دامىندە قىشقىلدىق بولسا دا، ۇيقىنىڭ جاقسى بولۋى ءۇشىن اسەرى مول.
ىستىق پۋنش. ىستىق الكوگولدى سۋسىن. ۆيسكي، جەمىس شىرىنى نەگىزىندە ازىرلەنگەن. پۋنشتى قىس مەزگىلىندە تۇماۋدىڭ الدىن الۋ ءۇشىن ىشكەن پايدالى.
جىلى ءسۇت. جىلى ءسۇت - تاماشا، پايدالى سۋسىن. بۇل ادىسپەن ءبىزدىڭ اتا- بابالارىمىز دا قولدانعان، بۇگىنگى كۇنى دە قولدانىپ كەلەدى. عىلىمي كوزقاراسقا سۇيەنەتىن بولساق، ءسۇتتىڭ قۇرامىندا تريپتوفان امينقىشقىلىن جانە كالتسيي بار. ال تريپتوفاننىڭ تىنىشتاندىراتىن اسەرى بار ەكەن. سوندىقتان دا جىلى ءسۇت - جاقسى ۇيقىنىڭ كەپىلى.
جالبىز شايى. تۇيمەداق شايى عانا ەمەس، جالبىزدىڭ شايى دا جاقسى ۇيىقتاۋ ءۇشىن وتە پايدالى. ول شارشاعاندى باسىپ، تىنىشتانۋعا، سونىمەن قاتار، جالبىز شايى جۇرەك اينىعاندا كومەكتەسەدى. بۇل شاي تەك پايدالى عانا ەمەس، ءارى وتە ءدامدى.
ىستىق شوكولاد. ىستىق شوكولادتى كوبىنەسە كاكاومەن شاتاستىرادى. الايدا، كاكاودان گورى ىستىق شوكولاد قويۋلاۋ، ويتكەنى ونىڭ قۇرامىندا كاكاو- ماي مەن كاكاو- ۇنتاعى بار. كاكاو ىستىق سۋدىڭ نەگىزىندە جاسالسا، ال ىستىق شوكولاد بولسا ءسۇت نەمەسە كىلەگەي نەىزىندە دايىندالادى. جاقسى ۇيىقتاۋعا كومەكتەسەتىن وتە ءدامدى سۋسىن، دەپ جازادى anabol.kz.
