قورعاستا قازاقستان رەسپۋبليكاسىنىڭ ەكى ازاماتى ۇستالدى

ولاردىڭ ءبىرى - شەكارادان زاڭسىز تۇردە قارجى سوماسىن اسىرۋعا ارەكەتتەنسە، ەكىنشىسى بوتەن ءتولقۇجاتتى قولدانۋعا تىرىستى.

اتاپ ايتقاندا، 29-قاراشا كۇنى «قورعاس - جولاۋشىلىق» باقىلاۋ-وتكىزۋ بەكەتىنىڭ شەكارا ناريادى 12 ساعات 56 مينۋتتا قىزمەتتىك يتتىك كومەگىمەن 1975-جىلى تۋعان شەپەل د. دەگەن ازاماتتى ۇستادى. ونىڭ قولجۇگىنىڭ ىشىنەن جاسىرىلۋى تۇرعان 10000 ا ق ش دوللارى مەن 215800 تەڭگە تابىلدى.

اتالعان دەرەك بويىنشا ماتەريالدار «التىنكول» كەدەن بەكەتىنىڭ قىزمەتكەرلەرىنە بەرىلدى.

سونداي-اق، 28-قاراشا كۇنى اتالعان وتريادتىڭ «متسپس» باقىلاۋ-وتكىزۋ بەكەتىنىڭ شەكارا ناريادى 11 ساعات 40 مينۋت شاماسىندا قازاقستاندىق ازاماتشانى ۇستادى. وتانداسىمىز ادەپكىدە ءوزىنىڭ 1987-جىلى تۋعان قورازىمبەتوۆا الزينا ەكەندىگىن، حالىقارالىق ساۋدا ورتالىعىنا بارا جاتقاندىعىن ايتتى.

ال تەكسەرە كەلگەندە، 1990-جىلى تۋعان جولدابايەۆا ايسەريك دەگەننىڭ ءتولقۇجاتىن كورسەتۋگە ءماجبۇر بولدى.

ماسەلەنىڭ انىق-قانىعىن ءبىلۋ ءۇشىن اتالعان دەرەك بويىنشا ماتەريالدار الماتى وبلىسى پانفيلوۆ اۋداندىق ىشكى ىستەر بولىمىنە بەرىلدى، دەپ حابارلادى ق ر ۇ ق ك باسپا ءسوز قىزمەتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى