قايرات نۇرتاس قازاق راديوسى تىڭدارماندارىمەن اڭگىمەلەستى
قازاق راديوسىندا تىكەلەي ەفيردە سۇحبات بەرۋى ءارتىستىڭ جانكۇيەرلەرى ءۇشىن تاماشا توسىن سىي بولدى. قىسقا كەزدەسۋ بارىسىندا قايرات راديو تىڭدارماندارىمەن اڭگىمەلەسىپ، ءوزىنىڭ ونەرى جايىندا ءبىراز بايانداپ بەردى.
تىڭدارماندارعا بەلگىلى بولعانداي، قايراتتىڭ ساحناعا العاش رەت شىعىپ ورىنداعان ءانى - «ارۋ انا» ءانى ەدى. اڭگىمە بارىسىندا قايرات ورىنداۋىندا 300 دەن استام ءانى بار ەكەندىگىن ايتا كەلە، سول اندەر جيناعىن قازاق راديوسىنىڭ مۋزىكالىق قورىنا تاپسىرۋعا ۋادە بەردى.
قايرات نۇرتاستىڭ جانكۇيەرلەرى ءبىرىنشى بولىپ ءارتىستىڭ جەكە وزىنەن الداعى استانا-ارەنا ستاديونىندا وتەتىن كونسەرتكە دايىندىق بارىسى جايىندا ەستۋگە مۇمكىندىكتەرى بولدى. قايرات ءوزىنىڭ شىعارماشىلىق كەشىنە ينديرا ەلەمەس، نيۋشا، تيماتي، سەرگەي لازاريەۆ، «Reflex» توبى جانە ت. ب. شاقىرعان ەدى. ەسكە سالا وتەيىك، وسى جىلدىڭ اۋقىمدى شاراسىنىڭ باستى ۇيىمداستىرۋشىلارى «قازاقستان» تەلەراديو كورپوراتسياسى جانە «Sapа Media group».
تىكەلەي ەفيردە قايرات نۇرتاسقا ەڭ جاقسى قويىلعان سۇراق ءۇشىن تىڭدارمانعا الداعى وتەتىن قايراتتىڭ كونسەرتىنە 2 بيلەت سىيعا تارتىلدى. اتالعان بيلەتتەردىڭ يەسى قازاق راديوسىنىڭ تۇراقتى تىڭدارمانى، قۇلسارىنىڭ تۇرعىنى دۇيسەنالى اعا بولىپ تابىلدى.
قايرات نۇرتاس 12- جەلتوقساندا استانا قالاسىنىڭ استانا-ارەنا ستاديونىندا جانە 17-18- جەلتوقساندا الماتى قالاسى بالۋان شولاق اتىنداعى سپورت سارايىندا بولاتىن ۇمىتىلماس كونسەرتىنىڭ كۋاسى بولۋعا شاقىرادى.
