بەلگىلى قالامگەر لوندونداعى قازاق دياسپوراسىنىڭ جەتەكشىسىمەن ىنتىماقتاستىق ماسەلەلەرىن تالقىلادى

سونىمەن قاتار لوندوندا ج. الماشيەۆ ق ر ەلشىسى ەرجان قازىحانوۆپەن كەزدەسىپ، قازاقستان مەن ۇلى بريتانيا اراسىنداعى مادەني سالاداعى ىنتىماقتاستىق ماسەلەلەرىن ءسوز ەتتى. اتاپ ايتقاندا، جازۋشى ەكى ەل اراسىنداعى الەۋەتتى مادەني جوبالاردى جۇزەگە اسىرۋ جونىندە پىكىر الماسىپ، ءوزىنىڭ شىعارماشىلىق جوسپارلارىمەن ءبولىستى.

جولتاي ءالماش ۇلى 1957-جىلى 14- اقپاندا قازىرگى  قىزىلوردا وبلىسى جاڭاقورعان اۋدانىنداعى قىراش اۋىلىندا دۇنيەگە كەلگەن. 1974-1979-جىلدارى ءال-فارابي اتىنداعى قازاق مەملەكەتتىك ۋنيۆەرسيتەتىنىڭ جۋرناليستيكا فاكۋلتەتىندە ءبىلىم الدى. 1979-1989-جىلدارى  قىزىلوردا وبلىسىندا گازەتتەردە، كومسومول جۇمىسىندا بولدى. 1989-1991-جىلدارى الماتى جوعارى پارتيا مەكتەبىندە وقىدى. 1991-جىلدان باستاپ قازاقستان كومپارتياسى ورتالىق كوميتەتىنىڭ اپپاراتىندا، پرەزيدەنت پەن ۇكىمەت اپاراتتارىندا رەفەرەنت، كونسۋلتانت، سەكتور مەڭگەرۋشىسى، ءبولىم مەڭگەرۋشىسىنىڭ ورىنباسارى سەكىلدى قىزمەتتەر اتقاردى.

«بالدىرعان» جۋرنالىنىڭ جابىق بايگەسىنىڭ بىرنەشە دۇركىن جەڭىمپازى. تۇركىستاننىڭ 1500 جىلدىعىنا ارنالعان ادەبي شىعارمالار بايگەسىندە جۇلدە العان.

ەل تاۋەلسىزدىگىنىڭ 10 جىلدىعىنا ارنالعان كوركەم شىعارمالار بايگەسىندە «ويانعان ۇرپاق» دەگەن رومانى جۇلدەگەر اتاندى.

«ءبىزدىڭ كوماندا»، «كۇن ءتارتىبى»، «جەتىم جۇلدىزدار»، «سۇلتانبەك قوجان ۇلى»، «ءنازىر تورەقۇل ۇلى»، «نايزاشىڭ»، «اۋەزوۆكە قايتا ورالۋ»، «قىزىر قونعان تۇركىستان»، «سۇلۋدى ءسۇيۋ»، «قاسيەتتى مەكەندەگى قالا»، «احمەد ياساۋي قالاسى»، «ازىرەت سۇلتان اڭىزى»، «زوۆ سۆوبودى» سەكىلدى كىتاپتاردىڭ، «ويانعان ۇرپاق»، «ۇمىتىلعان ۇرپاق»، «كۇلكى مەن جاس» روماندارىنىڭ، بىرنەشە درامالىق شىعارمالاردىڭ اۆتورى.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى