سەمەي قالاسىن الاش دەپ وزگەرتۋ ۇسىنىلدى

بۇل تۋرالى ق ر پرەزيدەنتى جانىنداعى و ك ق- دا ل. ن. گۋميليەۆ اتىنداعى ەۋرازيا ۇلتتىق ۋنيۆەرسيتەتىنىڭ «الاش» مادەني جانە رۋحاني ينستيتۋتىنىڭ ديرەكتورى سۇلتان حان اققۋلى مالىمدەدى.

« ءاليحان بوكەيحاننىڭ 150 -جىلدىعىن تويلاۋعا قاتىستى عالىمدار تاراپىنان دايىندالعان ءبىرقاتار ءىس- شارا بار. ونىڭ ىشىندە ەڭ الدىمەن الاشوردا اۆتونومياسى قۇرىلعان كۇنى ونىڭ استاناسى دا بەلگىلەنگەن بولاتىن. ول وسى كۇنى سەمەي دەگەن اتىمەن بەلگىلى قالا. ءبىراق سول سەمەي قالاسى الاش اۆتونومياسىنىڭ استاناسى بولىپ تۇرعان كەزدە الاش دەگەن اتىمەن بەلگىلى بولعان. ءاليحان بوكەيحان قول قويعان الاشوردا ۇكىمەتىنىڭ قۇجاتتارىنا قاراساق، بارلىعىندا الاش قالاسى دەلىنگەن. سوندىقتان بۇگىنگى سەمەي قالاسىنا الاش اتاۋىن بەرۋ كەرەك دەپ ويلايمىز» - دەدى سۇلتان اقق ۇلى.

ايتا كەتەيىك، پاريجدە يۋنەسكو باس كونفەرەنتسياسىنىڭ 2-18 قاراشا ارالىعىندا بولىپ وتكەن 38-سەسسياسى «مەملەكەت جانە قوعام قايراتكەرى ءاليحان بوكەيحاننىڭ تۋعانىنا 150 -جىل تولۋىنا ارنالعان مەرەكەلىك شارالارعا قاتىسۋ تۋرالى» ءوزىنىڭ اتقارۋشى كەڭەسىنىڭ ۇسىنىسىن تۇپكىلىكتى ماقۇلدادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى