بۋرابايدا مارال ءوسىرىپ، ناۋقاستاردى پانتامەن ەمدەۋ ءتاسىلى قارقىندى دامىپ كەلەدى
دەپ حابارلادى www.24.kz.
جاس مارالدىڭ مۇيىزىنەن الىنعان پانتالاردى وبلىستىڭ ساۋىقتىرۋ مەكەمەلەرى الادى. ەمدەۋ- ساۋىقتىرۋ تۋريزمى جايىندا الداعى «بۋراباي» مەملەكەتتىك ۇلتتىق تابيعي پاركىنىڭ مارال شارۋاشىلىعىنا بۇعىلار شىعىس قازاقستان وبلىسىنان اكەلىندى. ءجۇز ەلۋ باس مارالدىڭ تابيعي ورتادا ءوسىپ ونۋىنە بارلىق جاعداي جاسالعان. بۇگىندە التى ءجۇز گەكتار القاپ مارالداردىڭ تۇراقتى مەكەنىنە اينالدى.
«مارالدار تولدەپ، جىلدان جىلعا سانى ارتىپ كەلەدى. كەلەشەكتە وندىرىستىك قۋاتقا شىعامىز دەگەن جوسپارىمىز بار. مارالداردان پانتو الامىز. كەسىلگەن جاس ءمۇيىزدىڭ سالماعى 400-500 گرامنان كەلەدى»، - دەدى «بۋراباي» م ۇ ت پ مارال شارۋاشىلىعىنىڭ مەڭگەرۋشىسى مارات وماروۆ.
بۇعىلاردىڭ ءمۇيىزىن كەسۋ ناۋقانى مامىر ايىنىڭ اياعىندا باستالادى. الىنعان شيكىزات وڭدەلىپ، بۋراباي اۋدانىنداعى ساۋىقتىرۋ ورىندارىنا جونەلتىلەدى. پانتامەن ەمدەۋ ءتاسىلى ءداستۇرلى جانە حالىق مەديتسيناسىندا كەڭىنەن قولدانىلادى. سۇيەككە اينالا قويماعان جاس مۇيىزدەردە بيولوگيالىق بەلسەندى زاتتار قورى كوپ كەزدەسەدى. پانتانىڭ عاجايىپ ەمدىك قاسيەتىن عالىمدار مارالداردىڭ قورەگىمەن بايلانىستىرادى. كەربەز جانۋارلار ءشوپتىڭ تامىرىن تاڭداپ جەيدى.
«پانتامەن ەمدەلىپ جاتىرمىن. بۋىنداردىڭ، جۇرەكتىڭ قىزمەتىن جاقسارتادى. مەنىڭ بەلومىرتقامدا كىنارات بار. دوستارىمنىڭ كەڭەسىمەن كەلىپ وتىرمىن. ەم قابىلداپ جاتقانىما بەس كۇن بولدى، دەمالىس كوڭىلىمنەن شىقتى»، - دەيدى دەمالۋشى سامات ورازالين.
بۋرابايدىڭ ساۋىقتىرۋ تۋريزمى شەتەلدىك تۋريستەر اراسىندا تانىمال بولا باستاعان. ۇلتتىق پاركتىڭ ەندىگى جوسپارى شارۋاشىلىقتى كەڭەيتىپ، ءوندىرىستى جولعا قويۋ. وندا پانتادان ءتۇرلى پرەپاراتتار الۋعا مۇمكىندىك تۋادى. اقمولا وبلىسىندا ەمدەۋ- ساۋىقتىرۋ تۋريزمىمەن قازىر 50-گە جۋىق شيپاجاي اينالىسادى. ازىرگە ولاردىڭ 10-ى پانتامەن ەمدەۋ ءادىسىن قولدانادى. كەلەشەكتە بۇندا ولاردىڭ سانى ارتۋى مۇمكىن.
