اكبار ءماجيت: قازاقستاننىڭ تابىستارى - ن. نازاربايەۆتىڭ سىڭىرگەن ەڭبەگى
قازاقپارات تىلشىسىمەن سۇحباتىندا بەلگىلى جازۋشى، قىتاي حالىقتىق ساياسي كونسۋلتاتيۆتىك كەڭەسىنىڭ مۇشەسى اكبار ءماجيت وسىنداي پىكىرىن ءبىلدىردى.
«قازاقستان تاۋەلسىزدىك العان ساتتەن بەرى 20 جىلدان استام ۋاقىت ءوتتى - بۇل ازاماتتىڭ قالىپتاسۋ جاسى. بۇل بۇكىل قازاقستاندىق حالىقتىڭ جەتىستىكتەرى مەن تاريحى ەكەنى ءسوزسىز. ءبىراق تا مەن، ەڭ الدىمەن، بۇل حالىقتى تۋرا جولمەن باستاپ كەلە جاتقان مەملەكەت باسشىسىنىڭ سىڭىرگەن ەڭبەگى دەپ ويلايمىن»، - دەدى ول.
ن. نازاربايەۆ بۇرىنعى كەڭەس وداعىنىڭ باسقا ەلدەرى، سونىڭ ىشىندە ورتالىق ازيا ەلدەرى تاپ بولعان قيىنشىلىققا جول بەرگەن جوق، دەپ اتاپ ءوتتى جازۋشى.
«بۇل رەسپۋبليكالاردا قان توگىلدى، كوپتەگەن قوعامدىق، ەكونوميكالىق جانە باسقا دا كەلەڭسىز جاعدايلار بولدى. قۇدايعا شۇكىر، قازاقستان ەلباسىنىڭ دانالىعى ارقاسىندا، بەيبىت جولمەن دامىپ كەلەدى. ءبىز وعان مىقتى دەنساۋلىق، ال ەلگە - يگىلىك تىلەيمىز»، - دەپ تۇيىندەدى ول.
ەسكە سالا كەتەيىك، اكبار ءماجيت - ق ح ر جازۋشىلار وداعىنىڭ مۇشەسى، قىتاي مەملەكەتتىك سىيلىعىنىڭ لاۋرەاتى، ق ح ر جازۋشىلار وداعىنىڭ «قىتاي جازۋشىلارى» جۋرنالىنىڭ باس رەداكتورى. قىتاي تىلىندە جازادى، 28 كىتاپتىڭ اۆتورى، سونىڭ ىشىندە اباي شىعارمالارىنىڭ اۋدارمالارى دا بار.
