دەنساۋلىق: بالالارداعى جوتەلدى ماسساج ارقىلى قالاي كەتىرۋگە بولادى؟
جوتەلدىڭ ۇزاقتىعىنا بايلانىستى قىسقا مەرزىمدى، تۇراقتى، ەپيزوديكالىق جانە ۇستامالىق تۇرلەرى بار. ال جوتەلدىڭ اعىمى بويىنشا وتكىر جانە سوزىلمالى ەكى ءتۇرى بولادى. وتكىر جوتەل 3 ايعا دەيىنگى مەرزىمگە سوزىلسا، سوزىلمالى ءتۇرى ءۇش اي جانە ودان دا كوپ ۋاقىت ناۋقاستى مازالايدى
وتكىر جوتەل، نەگىزىنەن، سۋىق ءتيىپ سىرقاتتانۋ كەزدەرىندە، ياعني، وتكىر رەسپيراتورلىق ۆيرۋستىق ينفەكسيا، پنيەۆمونيا، وتكىر برونحيت، كوكجوتەل اۋرۋلارىندا ءجيى كەزدەسەدى. ال سوزىلمالى جوتەل وكپەنىڭ سوزىلمالى اۋرۋلارى، دەمىكپە، كەڭىردەك تارامدارىنىڭ ىسىگى، تۋبەركۋلەز، وكپەنىڭ ىسىگى كەزىندە پايدا بولادى.
«جوتەل اۋرۋ ەمەس، الايدا، قانداي دا ءبىر سىرقاتتىڭ بەلگىسى بولىپ تابىلادى. سوندىقتان، الدىمەن جوتەلدىڭ پايدا بولۋ سەبەبىن انىقتاپ العان دۇرىس. جوتەل كەزىندە جىلى مينەرالدى سۇيىقتىقتاردى كوبىرەك ىشكەن ءجون. ارنايى تۇرمىستىق قۇرالداردىڭ كومەگىمەن اۋانى ىلعالداندىرىپ وتىرۋ قاجەت. دۇرىس تاماقتانۋعا كوڭىل ءبولىپ، ءسۇت، ۇن ونىمدەرىن، ءتاتتىنى جوتەل بار كەزدە پايدالانۋدى دوعارعان ءجون»، - دەيدى ماماندار.
ال بالالارداعى جوتەلدى ماسساج ارقىلى قالاي كەتىرۋگە بولاتىنىن ورىس تىلىندەگى «Baby ГИД» تەلەباعدارلاماسىنداعى مىنا بەينەماتەريالدان كورۋگە بولادى.
جوتەل تۋرالى مەديتسينالىق اقپارات ينتەرنەتتەن الىندى.
