بەيجىڭدە قازاقستاندىق «بالالىق شاعىمنىڭ اسپانى» فيلمى كورسەتىلدى - فوتو

فيلمدەردى قازاقستاندىق ديپلوماتتاردىڭ جانە بەيجىڭ قالاسىنداعى ۇلتتىق كومپانيا وكىلدەرىنىڭ 6 جاستان اسقان بالالارى تاماشالادى.

«1 - جەلتوقسان - قازاقستاننىڭ تۇڭعىش پرەزيدەنتى كۇنى. تاۋەلسىزدىك العان سوڭ نۇرسۇلتان ءابىش ۇلى نازاربايەۆ ەل تىزگىنىن قولىنا الىپ، حالىقتى ءبىر شاڭىراق استىنا بىرىكتىرىپ، دامۋ جولىندا ۇلكەن جەتىستىكتەرگە جەتۋ ارقىلى مەملەكەتتى الەمگە تانىتتى»، - دەدى فيلمدى كورسەتەر الدىندا ءسوز سويلەگەن ق ح ر- داعى ق ر ەلشىلىگىنىڭ كەڭەسشىسى ماناربەك قابازيەۆ.

فيلمدەردەن كەيىن قازاقپارات ءتىلشىسى بالالاردان العان اسەرلەرىن سۇراپ ءبىلدى.

«فيلم وتە قىزىقتى، مۇندا ءبىزدىڭ پرەزيدەنتىمىزدىڭ بالالىق شاعى مەن ونىڭ قيىن جولى كورسەتىلگەن»، - دەدى 15 جاستاعى دانيار ەشىمبەتوۆ.

 ەسكە سالا كەتەيىك، «بالالىق شاعىمنىڭ اسپانى» كينوكارتيناسى 2013 - جىلدىڭ ساۋىرىندە بەيجىڭدەگى قازاقستاندىق كينو اپتالىعىن اشتى. 2015 - جىلدىڭ شىلدە- تامىز ايلارىندا قىتايدىڭ ورتالىق تەلەارناسىندا «ەلباسى جولى» فيلم- ەپوپەياسىنىڭ بارلىق ءبولىمى: «بالالىق شاعىمنىڭ اسپانى»، «وتتى وزەن» جانە «تەمىرتاۋ»، «تىعىرىقتان جول تاپقان» كورسەتىلدى.

 

 

 

 

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى