حايۋاناتتار باعىندا ەشكى مەن جولبارىس بەسىنشى ءتۇن بىرگە تۇنەپ ءجۇر
ەگەر بۇعان دەيىن جولبارىس تاڭەرتەڭ توردان ءوزى شىعىپ جۇرسە، ەندى ەشكىنىڭ سوڭىنان جۇرەتىنىن كۇتىپ تۇراتىن بولدى.
جولبارىس امۋر مەن ونىڭ ازىعىنا اينالۋى ءتيىس بولعان ەشكى تيمۋر ەندى ءبىر توردا تىرشىلىك ەتەتىن بولدى، سەبەبى بۇل ەكى جانۋار دوستاسىپ ۇلگەردى، دەپ حابارلادى ر ي ا نوۆوستي اگەنتتىگىنە پريمورە سافاري ساياباعىنىڭ ديرەكتورى دميتري مەزەنتسيەۆ.
بۇعان دەيىن جولبارىسقا ازىق رەتىندە اكەلىنگەن ەشكىگە جىرتقىش تيمەگەنى حابارلانعان، سەبەبى تيمۋر باتىلدىعىن تانىتىپ، ونى قاسىنا جولاتپاي قويدى. اقىرى ەشكى جولبارىستىڭ جاتاتىن ورنىنا جايعاسىپ تا الدى.
«امۋر مەن تيمۋردىڭ ءبىر توردا تۇنەپ جۇرگەنىنە بەسىنشى ءتۇن بولدى. ەگەر بۇرىن جولبارىس توردان جالعىز شىعىپ جۇرسە، ەندى ارتىنا قاراپ، ەشكىنىڭ سوڭىنان ەرەتىنىن كۇتىپ تۇراتىن بولدى. ءبىز امۋر تيمۋردى جەمەيدى دەپ ويلايمىز، سەبەبى ول ونى ازىق رەتىندە ەمەس، تەڭدەسى رەتىندە كورەدى»، - دەدى مەزەنسيەۆ.
