اۋىر اتلەتيكادان ءاچ: قازاقستان - جالپى كوماندالىق ەسەپتە ءۇشىنشى ورىندا

قازاقستان قۇراماسى بۇل دودادا ەكى التىن، ەكى كۇمىس جانە ءبىر قولا مەدالدى (2-2-1) ەنشىلەپ، جالپى كوماندالىق ەسەپتە ءۇشىنشى ورىندى جەڭىپ الدى. ءبىرىنشى ورىندا قىتاي(6-4-0) ، ال ەكىنشى ورىندا رەسەي (3-3-3) تۇر.

ەستەرىڭىزگە سالا كەتەيىك، اۋەلى 77 كەلىگە دەيىنگى سالماقتا نيجات راحيموۆ كوك بايراعىمىزدى بيىكتەن جەلبىرەتىپ، التىننان القا تاققان ەدى. ەكىنشى التىندى كەشە 105 كەلىگە دەيىنگى سالماقتا ونەر كورسەتكەن الەكساندر زايچيكوۆ ەل قورجىنىنا سالدى.

 سونداي- اق، ەرلەر اراسىندا 94 كەلىگە دەيىنگى سالماقتا الماس وتەشيەۆ پەن ايەلدەر اراسىندا 69 كەلىگە دەيىنگى سالماقتا جازيرا جاپپارقۇل كۇمىس مەدالدى ەنشىلەسە، 94 كەلىگە دەيىنگى سالماقتا جاسۇلان قىدىربايەۆ قولا مەدال العان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى