قازاقستاندا جەڭىلدەتىلگەن نەسيەمەن كولىك الۋعا وتىنىشتەر قابىلداۋدىڭ ەكىنشى كەزەڭى باستالدى

ق ر ۇكىمەتى قازاقستاندا قۇراستىرىلعان كولىكتەردى ساتىپ الۋشىلارعا جەڭىلدەتىلگەن نەسيە بەرۋدى قارجىلاندىرۋ ءۇشىن قوسىمشا 11 ميلليارد تەڭگە قارجى ءبولۋ شەشىمىن قابىلدادى.

«ازيا اۆتو» ا ق زاۋىتىنىڭ ءونىمىن ساتىپ الۋشىلار ءۇشىن بولىنگەن قاراجاتتىڭ %50 نەمەسە 5,5 ميلليارد تەڭگە بەكىتىلدى.

مەملەكەتتىك باعدارلاما اياسىندا قازاقستاندىقتار «ازيا اۆتو» زاۋىتى قۇراستىراتىن 22 مودەلگە قول جەتكىزە الادى. ونىڭ قۇنى 2,13 ميلليون تەڭگەدەن باستالادى.

وسكەمەندە شىعارىلاتىن كولىكتەردى ساتىپ الۋشىلار ءۇشىن اي سايىنعى ەڭ تومەنگى تولەم 31,4 مىڭ تەڭگەنى قۇرايدى.

باعدارلامانىڭ جاڭا تالاپتارىنا سايكەس، ساتىپ الاتىن كولىكتىڭ ەڭ جوعارى باعاسى 9 ميلليون تەڭگەگە دەيىن كوتەرىلدى.

باعدارلامانىڭ قالعان شارتتارى وزگەرىسسىز قالدى. نومينالدىق سىياقى مولشەرلەمەسى 4 پايىز، نەسيەنىڭ ءتيىمدى مولشەرلەمەسى (قوسىمشا شىعىنداردى، ساقتاندىرۋدى قوسقاندا) 7,5 پايىزدان اسپاۋى ءتيىس. نەسيەلەندىرۋ مەرزىمى - 5 جىلدان اسپايدى، الدىن الا تولەم - %0-20، بورىش ۆاليۋتاسى - تەڭگە.

بۇرىن حابارلانعانداي، كولىكتەردى ساتىپ الۋشىلارعا جەڭىلدەتىلگەن نەسيە بەرۋ اعىمداعى جىلى 20- ساۋىردە باستالدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى