قىتايدا قازاقستاندىق قىزىل اسكەر جاۋىنگەرى سماعۇل مايدار قايتا جەرلەندى
قايتا جەرلەنگەن كەڭەس جاۋىنگەرلەرىنىڭ قاتارىندا سماعۇل مايدار بار. ول 190-اتقىشتار ديۆيزياسىنىڭ 112-اتقىشتار پولكىنىڭ جاۋىنگەرى بولعان. 1905-جىلى پاۆلودار وبلىسى كۋيبىشيەۆ اۋدانى نوۆو-ترويتسكوە اۋىلىندا (قازىرگى ق ر پاۆلودار وبلىسىنىڭ اقتوعاي اۋدانىندا) تۋعان. 1943-جىلى اسكەرگە شاقىرتىلعان. سول كەزدە ونىڭ ايەلى سماعۇلوۆا ءجاميلا پاۆلودار وبلىسى كۋيبىشيەۆ اۋدانى نوۆو- ترويتسكوە اۋىلىندا تۇرعان. جاۋىنگەر 1945-جىلى 15- تامىزدا قازا تاپتى.
جاۋىنگەرلەردىڭ مايىتتەرىن قايتا جەرلەۋ راسىمىنە ق ح ر- داعى ر ف ەلشىلىگىنىڭ قىزمەتكەرلەرى، ر ف باس شتاب اكادەمياسى مەن اسكەري عىلىمدار اكادەمياسىنىڭ، امۋر وبلىسىنىڭ باسشىلىعى، قازا تاپقان كەي جاۋىنگەرلەردىڭ تۋىستارى، سونىمەن قاتار ءبىرىنشى رەسەي-قىتاي ىزدەۋ ەكسپەديتسياسى جۇرگىزگەن «ۆاحتا پامياتي. كيتاي-2015» شاراسىنا قاتىسۋشىلار قاتىستى.
قازاقستان اتىنان شاراعا ق ح ر- داعى ق ر قورعانىس مينيسترلىگىنىڭ اسكەري اتتاشەسى ەرەن قوجەكوۆ قاتىستى.
ەسكە سالا كەتەيىك، سماعۇل مايداردىڭ ءمايىتى قىتاي اۋماعىندا قازا تاپقان كەڭەس جاۋىنگەرلەرىن ماڭگى ەستە ساقتاۋ بويىنشا العاشقى بىرلەسكەن رەسەي-قىتاي ىزدەۋ ەكسپەديتسياسى جۇرگىزگەن «ۆاحتا پامياتي. كيتاي-2015» شاراسىنىڭ كوكتەمگى-جازعى كەزەڭىندە تابىلدى.
