ورالدا بىردەن ءۇش قىز دۇنيەگە كەلدى

وبلىستىق دەنساۋلىق ساقتاۋ باسقارماسىنىڭ باسپا ءسوز حاتشىسى فليۋرا ساماتوۆانىڭ ايتۋىنشا، وبلىستىق پەريناتالدىق ورتالىقتا 27- قاراشاعا قاراعان ءتۇنى اراعا ءبىر-ەكى مينۋت سالىپ، ءۇش قىز بالا دۇنيەگە كەلگەن. ولاردىڭ ۇلكەنىنىڭ سالماعى - 2 كەلى 330 گرام، بويى - 44 سانتيمەتر، ورتانشىسىنىكى - 2 كەلى 290 گرام، بويى - 43 سانتيمەتر، كىشىسىنىكى - 2 كەلى 600 گرام، بويى - 46 سانتيمەتر.

قازىرگى كەزدە پەريناتالدىق ورتالىقتا جاتقان اناسى مەن سابيلەردىڭ جاعدايى قالىپتى. ءسويتىپ وتباسىنداعى بالانىڭ ۇلكەنى ءاليجاننىڭ سوڭىنان بىردەن ءۇش بىردەي قارىنداسى ىلەستى.

ايتا كەتەيىك، ءدال سول كۇنى ۇشەممەن ءبىر ۋاقىتتا 22 نارەستە ءومىر ەسىگىن اشسا، سونىڭ 15 ءى  قىز، جەتەۋى  ۇل بالا كورىنەدى.

اۆتور: ەلجان ەرالى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى