الماتىلىق ءتورت ۇستاز «پالما بۇتاعى» فرانسۋزدىق اكادەميالىق وردەن يەگەرى اتاندى - فوتو
بۇل قۇرمەتتى اتاقتى سۆەتلانا لەونوۆا، روزا مەنداليەۆا، اللا نيكيفوروۆا مەن نادەجدا شكۋرات يەلەندى. لاۋرەاتتاردىڭ بارلىعى فرانسۋز تىلىنەن بىرنەشە جىلدان بەرى ساباق بەرىپ كەلەدى.
ماراپاتتى فرانسيانىڭ قازاقستانداعى توتەنشە جانە وكىلەتتى ەلشىسى فرانسيس ەتەن تابىس ەتتى.
«ءبىز فرانسۋز ءتىلىن ۇيرەتۋگە بارىن سالىپ جۇرگەن تۇلعالارعا وسى ماراپاتتى تاعايىندادىق. كوبىنە بۇل اتاققا ايەل ادامدار لايىق بولادى. ءبىز ولاردىڭ ەڭبەگىنىڭ ماڭىزدىلىعىن كورسەتىپ، باعالاپ جاتىرمىز»، - دەدى ول.
فرانسيانىڭ ەڭ بايىرعى ناگرادالارىنىڭ ءبىرى سانالاتىن «پالما بۇتاعى» اكادەميالىق وردەنى 1955-جىلى بەكىتىلگەن. ول ءبىلىم جۇيەسىنىڭ ۇزدىك وكىلدەرىنە، فرانسيانىڭ ۇلتتىق ءبىلىمىن دامىتۋعا ەلەۋلى ۇلەس قوسقان ازاماتتار مەن فرانسۋز مادەنيەتىنىڭ الەمدە كەڭ تاراۋىنا بەلسەندى قىزمەتىمەن ىقپال ەتكەن جانە فرانسيامەن ەكى ارالىقتا ۋنيۆەرسيتەتارالىق جانە عىلىمي سالادا ىنتىماقتاستىق بايلانىستى دامىتۋعا قوسقان ەلەۋلى ەڭبەك سىڭىرگەن شەتەلدىك ازاماتتارعا بەرىلەدى.
قازاقستاندا 1996-جىلدان بەرى وسىنداي 30 وردەن تابىستالعان.
