شەتەلدىك باسىلىم قازاق كينوسىندا جۇمىس ىستەيتىن ۇزدىك رەجيسسەرلەردىڭ ءتىزىمىن جاسادى
«قازاقستان كينويندۋسترياسى حالىقارالىق دەڭگەيدە تومەن جاعدايدا بولعانىمەن، كەي اۆتورلىق قازاق فيلمدەرى نازار اۋدارۋعا تۇرارلىق. ماسەلەن فرانسۋزدار قارجىلاندىرعان 1980 -جىلداردىڭ اياعىنداعى راشيد نۇعمانوۆتىڭ فيلمدەرىن اتاۋعا بولادى»، - دەپ جازعان باسىلىم.
سونىمەن شەتەلدىكتەردىڭ پىكىرنشە، ۇزدىك قازاق رەجيسسەرلەرى كەلەسىلەر:
دارەجان ومىربايەۆ
شەتەلدىكتەر ونى تەك ءوز ەلىندە عانا ەمەس، شەتەلدە دە تاپتىرماس رەجيسسەر سانايدى ەكەن. ونىڭ تۋىندىلارىن ەۋروپالىق كينوماتوگرافيا مايتالماندارى ميحايەل حانەكە مەن بريۋنو ديۋمونعا قاتتى ۇقساتىپ جاتادى.
1998 -جىلى تۇسىرىلگەن «جالشى» فيلمىمەن ومىربايەۆ الەم نازارىنا ىلىگىپ، كاننىدا جۇلدەلى ورالعان.
جاننا يسابايەۆا
جاننا يسابايەۆا قازاقستاندىق رەجيسسەرلەر اراسىندا جەتىستىككە جەتە بىلگەن نازىك جاندى رەجيسسەر. ونىڭ 2007 -جىلعى «قاروي»، 2013 -جىلعى «ناعيما» فيلمدەرى شەتەلدىكتەردىڭ كوڭىلىنەن شىققان.
ناريمان تۇرەبايەۆ
تۇرەبايەۆتىڭ «وقيعا» فيلمىن شەتەلدىكتەر 1980-1990 -جىلدارداعى امەريكالىق تاۋەلسىز فيلمدەرىمەن تەڭەستىرگەن.
اسىرەسە دجيم دجارمۋشا نەمەسە حال حارتليدىڭ العاشقى تۋىندىلارىنا جاقىن دەپ سانايدى باسىلىم. رەجيسسەردىڭ «كىشكەنتاي ادامدار» (2003 ج. ) جانە «شۋاقتى كۇندەر» (2011 ج. ) فيلمى دە جوعارى باعاعا يە بولعان.
ەمير بايعازين
« 31 جاستاعى رەجيسسەر ەمير ءبايعازيننىڭ 2013 -جىلعى "اسلاننىڭ ساباقتارى" ءفيلمى قازاق كينوسىنا جاڭا تىنىس اكەلدى... ونىڭ بۇل فيلمى ۋكراينالىق رەجيسسەر ميروسلاۆ سلابوشپيتسكيدىڭ «تايپا» تۋىندىسىن ەسكە سالادى»، - دەپ جازعان Calvertjournal.
ءادىلحان ەرجانوۆ
نيۋ- يوركتە ءبىلىم العان 33 جاستاعى ءادىلحان ەرجانوۆ قازاقستاندا العاش بولىپ «قازى- كورپەش جانە بايان- سۇلۋ» مۋلتحيكاياسىن تۇسىرگەن. رەجيسسەر «قوجايىندار» اتتى فيلمىمەن كاننى كينوفەستيۆالىنە قاتىسقان. «قوجايىندار» فيلمى - ءادىلحان ەرجانوۆتىڭ ءۇشىنشى تۋىندىسى. الدىڭعى ەكەۋى - «ريەلتور» (2011) جانە «قۇرىلىسشىلار» (2013) .
