شاڭحاي ىنتىماقتاستىق ۇيىمى ەلدەرى قورعانىس مينيسترلىكتەرىنىڭ ساراپشىلارى جەڭىل جانە وق اتۋ قارۋىنىڭ اينالىمىن تالقىلادى
دەپ حابارلايدى ق ر ق م باسپا ءسوز قىزمەتى.
جيىنعا العاش رەت ش ى ۇ- نىڭ بولاشاق مۇشەلەرى ءۇندىستان مەن پاكىستاندى قوسا وتىرىپ، ش ى ۇ ديالوگى بويىنشا قاداعالاۋشى جانە سەرىكتەستەر مەملەكەتتەرى قارۋلى كۇشتەرىنىڭ وكىلدەرى قاتىستى. ساراپشىلار اسكەري عىلىم جانە اسكەري قۇرىلىس تەورياسى، مەملەكەتتىڭ اسكەري ۇيىمىن قالىپتاستىرۋ، سونداي- اق ش ى ۇ- نىڭ كەڭىستىگىندە تۋىندايتىن قاۋىپ- قاتەردىڭ كوكەيكەستى ماسەلەلەرى بويىنشا پىكىر الماستى.
ساراپشىلار بۇگىنگى كۇنى قارۋ- جاراقتى باقىلاۋ رەجىمدەرىن ساقتاۋ، سەنىمدىلىك پەن قاۋىپسىزدىك شارالارىن نىعايتۋ، تۇراقتى جانە بەيبىت ءومىر ءسۇرۋدىڭ باستى شارتتارىنىڭ ءبىرى بولىپ تابىلاتىنى، ال قارۋدىڭ زاڭسىز اينالىمى قاۋىپسىزدىككە قاتەر تۋعىزاتىنى جايلى پىكىرلەرى ءبىر جەردەن شىقتى. ءوز كەزەگىندە ق ر قورعانىس مينيسترلىگىنىڭ وكىلدەرى قازاقستان ەكسپورتتىق باقىلاۋ جۇيەسىنىڭ قۇرىلۋى مەن ىسكە قوسىلۋى، سونداي- اق وزگە مەملەكەتتەردىڭ ادىستەمەلەرىن قولدانۋ بويىنشا وزدەرىنىڭ تاجىريبەسىمەن بولىسۋگە ءازىر ەكەنىن ايتتى.
«وق اتۋ قارۋىنىڭ زاڭسىز اينالىمى ماسەلەسىن مەملەكەتتەردىڭ اناعۇرلىم كوپ سانىن تارتۋ ەسەبىنەن تەك بىرلەسكەن جانە ۇيلەستىرىلگەن كۇش- جىگەرمەن شەشۋگە بولادى»، - دەپ كەزدەسۋ بارىسىندا اتاپ ءوتىلدى. اتالعان تاقىرىپتا قازاقستان جەڭىل جانە وق اتۋ قارۋىن زاڭسىز ساتۋعا قارسى ءىس- قيمىل اياسىنداعى مىندەتتەمەلەردى ۇستانادى جانە بارلىق اسپەكتىلەردە جانە ونىمەن كۇرەسۋدە وق اتۋ قارۋى مەن جەڭىل تۇردەگى قارۋ- جاراقتى زاڭسىز ساتۋدى بولدىرماۋ جانە تۇبىمەن جويۋ بويىنشا ب ۇ ۇ- نىڭ ءىس- قيمىل جاساۋى باعدارلاماسىن ىسكە اسىرۋعا ۇلەسىن قوسادى.
