رەدجەپ تايىپ ەردوعان: ءبىز رەسەيدەن كەشىرىم سۇرامايمىز

بۇل تۋرالى CNN حابارلادى دەپ جازادى NUR. KZ.

«مەنىڭشە، ءبىزدىڭ كەشىرىم سۇرايتىن ءجونىمىز جوق. ءبىزدىڭ اۋە كەڭىستىگىمىزگە رۇقساتسىز كىرگەندەر كەشىرىم سۇراسىن» ، - دەپ كەلتىرەدى ەردوعاننىڭ ءسوزىن CNN.

سونىمەن قاتار، ول تۇرىك اۋە كۇشتەرىنىڭ ءوز مىندەتتەرىن ورىنداعانىن اتاپ ءوتتى.

ەسكە سالا كەتەيىك، 24 -قاراشا كۇنى تۇرىك اسكەريلەرى رەسەيدىڭ سۋ-24 بومبالاۋشى ۇشاعىن اتىپ ءتۇسىردى.

تۇركيا تاراپى اۋە كەڭىستىگىنىڭ شەكاراسىن بۇزعان رەسەيلىك ۇشاققا 10 رەت ەسكەرتۋ جاساعانىن ايتادى. ال رەسەيلىكتەر ۇشاقتىڭ سيريا اسپانىندا بولعانىن العا تارتۋدا.

قۇلاعان سامولەتتىڭ ۇشقىشى ولەگ پەشكوۆ قازا تاپتى. كەيىن ونىڭ قازاقستان تۋماسى ەكەنى انىقتالعان.

قازان ايىنىڭ باسىندا رەسەيلىك ۇشاقتار بىرنەشە رەت تۇركيانىڭ اۋە كەڭىستىگىن بۇزعانى حابارلانعان بولاتىن. 

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى