قازاقستاننىڭ اسكەري مەديتسيناسى جاڭا دەڭگەيگە شىعىپ كەلەدى - فوتو
بۇل تۋرالى ق ر قورعانىس مينيسترلىگىنىڭ باسپا ءسوز قىزمەتىنەن حابارلادى.
سالا ءۇشىن جوعارى بىلىكتى كادرلاردى دايىنداۋ، اسكەري-مەديتسينالىق مەكەمەلەردىڭ ماتەريالدىق-تەحنيكالىق بازاسىن جەتىلدىرۋ جانە اسكەري قىزمەتشىلەردى جوعارى ساپادا ەمدەۋ سونى راستايدى.
«كۇن سايىن اسكەري گوسپيتالدىڭ لور بولىمشەسىنە 35-40 ادام كەلەدى. ول قازىرگى كەزدە گوسپيتالدىڭ وزگە بولىمشەلەرىندە ستاتسيونارلىق ەمدەۋدە جاتقان اسكەري قىزمەتشىلەر. ءبىز تەكسەرۋ، اۋرۋ-سىرقاۋدىڭ دياگنوستيكاسىن جۇرگىزەمىز. ەگەر كورسەتىلىمدەرى بولسا، وندا سىرقاتتانۋشى ءبىزدىڭ بولىمشەدە ءبىرىڭعاي ەم-دوم الا الادى. بۇل اسكەري قىزمەتشىنى ەمدەپ جازىپ، ونىڭ جىلدامىراق ساۋىعىپ كەتۋى ءۇشىن جاسالادى»، - دەيدى ق ر ق م باس اسكەري كلينيكالىق گوسپيتالى لور بولىمشەسىنىڭ باستىعى مەديتسينالىق قىزمەتىنىڭ پولكوۆنيگى بەك مۇڭكىبايەۆ.
جىل سايىن وسى بولىمشەدەن شامامەن 500 ادامدى ەمدەپ شىعارادى. اسكەري لور دارىگەرلەر مۇرىن قالقاسىنىڭ قيسايۋىن تۇزەتۋ، ىسىكتى، پوليپتەردى جويۋ بويىنشا وتانى ءجيى جاسايدى. بۇل سىرقاۋلار اسكەري قىزمەتشىلەردە ءجيى بولىپ تۇرادى، بۇل اسكەري قىزمەتتىڭ ەرەكشەلىگى بولىپ كەلەدى.
اۋرۋ-سىرقاۋدىڭ سەبەپتەرى وقۋ-جاتتىعۋلارمەن بايلانىستى جاراقات بولۋى مۇمكىن. ق ر ق م باس اسكەري كلينيكالىق گوسپيتالىنە ەمدەلۋگە اسكەري قىزمەتشىلەر قازاقستاننىڭ تۇكپىر-تۇكپىرىنەن كەلەدى. پولكوۆنيك دميتري تاراكانوۆ اقتوبەدەن مۇرىنمەن تىنىس الۋى قيىنداتىلعان شاعىمىمەن كەلگەن.
«مەن استاناداعى گوسپيتالعا كەلدىم، سەبەبى، اقتوبە گوسپيتالىندە وسى وپەراتسيا جۇرگىزىلمەيدى. پوگون تاققان، اسكەري دارىگەرلەرگە، اسكەري ماماندارعا كوبىرەك سەنىم بىلدىرەمىن. قازىر وتا الدىنداعى تەكسەرۋدەن ءوتىپ ءجۇرمىن، تالداۋ تاپسىرىپ، وتاعا دايىندالۋدامىن».
ودان باسقا، اسكەري دارىگەرلەردىڭ ايتۋىنشا، قازاقستاندىق ارميا اسكەري قىزمەتشىلەرىنىڭ دەنساۋلىقتارىنىڭ وزگەرۋ سەرپىنى اناعۇرلىم جاقسى جاعىنا وزگەرىپ كەلەدى. «سوڭعى 6-7 جىل ىشىندە اسقازان-ىشەك جولدارى بويىنشا اسكەري قىزمەتشىلەردىڭ دەنساۋلىعى ءبىرشاما جاقساردى.
اسكەري قىزمەتشىلەردىڭ ديسپانسەرگە جاتۋى جاقسى ءجۇرىپ جاتىر. 2008-2009-جىلدارى بىزدە ءبىر كۇندە اسقازان بەزى، 12 قوس ىشەكتىڭ بەزى سياقتى 2-3 وسىنداي دياگنوز بولاتىن. بۇگىنگى كۇنى اسكەري قىزمەتشىلەر مۇنداي بەزگە اپتاسىنا 2-3 رەت شالدىعادى.
الايدا، جۇمىسىمىز ازايار ەمەس، ۇشقىشتارىمىز ديسپانسەرلەۋدەن، تەرەڭدەتىلگەن مەديتسينالىق تەكسەرۋدەن، اسكەري ۇشۋ كوميسسياسىنان وتەدى»، - دەيدى ق ر ق م باس اسكەري كلينيكالىق گوسپيتالى ەندوسكوپيا بولىمشەسىنىڭ باستىعى مەديتسينالىق قىزمەتىنىڭ پودپولكوۆنيگى داۋرەنبەك بايجۇمانوۆ.
اسكەري دارىگەرلەر زاماناۋي مەديتسينامەن بىرگە قادام باسىپ كەلەدى، گوسپيتالدىڭ وپەراتسيا جاساۋ بلوگىندا تۇراقتى نەگىزدە ەڭ جوعارى ستاندارتتارعا ساي كەلەتىن مەديتسينالىق جابدىقتى قولدانا وتىرىپ، وپەراتسيالار وتكىزىلەدى، ال زاماناۋي اپپاراتۋرا اسكەري قىزمەتشىلەر مەن ولاردىڭ وتباسى مۇشەلەرىنە مەديتسينالىق كومەك كورسەتۋ ساپاسىن ءارى قاراي ارتتىرۋعا ىقپال ەتەدى.
«وزىق حيرۋرگيالىق تەحنولوگيالار، ونىڭ ىشىندە حيرۋرگيالىق وپەراتسيالاردى جاساۋدىڭ شاعىن جاراعا اكەلەتىن ادىستەمەلەرى ءداستۇرلى قول سۇعۋشىلىقتى اۋىستىرىپ جانە كوپتەگەن ستەرەوتيپتەردى بۇزا وتىرىپ، اسكەري مەديتسينادا قارقىندى داميتىنىنا تيتتەي دە ءشۇبا كەلتىرمەيمىز»، - دەدى گوسپيتال باستىعىنىڭ (عىلىمي-حيرۋرگيالىق جۇمىس جونىندەگى) ورىنباسارى - ق ر ق م باس اسكەري كلينيكالىق گوسپيتالىنىڭ جەتەكشى حيرۋرگى مەديتسينالىق قىزمەتىنىڭ پودپولكوۆنيگى ەرجان سىمايىل.
