قازاقستاننىڭ ءار وبلىسىندا مىقتى ۋنيۆەرسيتەتتەر قۇرىلۋى مۇمكىن

بۇل تۋرالى بۇگىن ق ر ءبىلىم جانە عىلىم ءمينيسترى اسلان ءسارىنجىپوۆ بۇگىن استانادا ەلىمىزدىڭ 10 ۇزدىك ماگيسترانتىنا ن. نازاربايەۆ اتىنداعى ستيپەنديالاردى تابىس ەتۋ ءراسىمى بارىسىندا ءمالىم ەتتى.

«قازىر ءبىز «ءبىلىم بەرۋدى دامىتۋ» مەملەكەتتىك باعدارلاماسىن جاساۋدامىز. وعان قاتتى كىرىسكەن جايىمىز بار. مەملەكەت ءۇشىن كەلەسى كەزەڭدە ءار ايماقتا جاقسى جوعارى وقۋ ورنى بولعانى جاقسى بولار ەدى. بۇل سول ءوڭىردىڭ دامۋ قازىعىنا اينالادى. تاجىريبە بار، ا ق ش- تا تۇتاس شتاتتىڭ دامۋىنا ىقپال جاساپ وتىرعان ۋنيۆەرسيتەتتەر جەتكىلىكتى.

وندا زەرتتەۋلەر، جاڭا تەحنولوگيالار دامىپ قانا قويماي، جاڭا يدەيالارعا تولى كادرلار جاساقتالىپ شىعادى. كەيىن ولار وقۋ بىتىرگەننەن سوڭ سول شتاتتىڭ دامۋىنا ۇلەس قوستى. مىسالى 1800- جىلدارى ا ق ش- تا لەندگراند ۋنيۆەرسيتەتىنە تەگىن جەر بەرىلدى. بۇل جەردىڭ اقىسىنا ولار سول وڭىردە ءبىلىم ورداسىن قۇرۋلارى ءتيىس بولعان. سونىڭ ارقاسىندا اتالعان وڭىردە قارقىندى دامۋ بايقالدى. ءبىز وسىنداي مەجەگە تالپىنۋىمىز كەرەك»، - دەپ اتاپ ءوتتى مينيستر.

ونىڭ ايتۋىنشا، ءار ءوڭىردىڭ يندۋستريالدىق باسىمدىقتارىن ەسكەرۋ قاجەت.

 «بىزگە دە ءار وبلىسىمىزدا جاقسى ءبىر جوعارى وقۋ ورنى اشىلعانى قاجەت. پاۆلودار، وسكەمەن، استانا، اقتاۋ سياقتى ءىرى قالالاردا مىقتى ۋنيۆەرسيتەتتەر قۇرىلسا، ول ايماقتاردا ءومىر قاينايدى. مەنىڭشە، ءبىزدىڭ ەل ءۇشىن ول كەلەسى كەزەڭ دەپ ەسەپتەيمىن. وسىعان وراي، ءبىز ۇدەمەلى يندۋستريالدىق- يننوۆاتسيالىق دامۋ مەملەكەتتىك باعدارلاماسىنىڭ 10 ۋنيۆەرسيتەتى جوباسىن باستاماقپىز. بۇل ا ق ش- تاعى تاجىريبەنىڭ پروتوتيپى بولادى. ءبىز جەتەكشى ۋنيۆەرسيتەتتەردىڭ تەك استانا مەن الماتىدا عانا ەمەس، وزگە وڭىرلەردە دە بولعانىن، سول وبلىستىڭ ءوز ەرەكشەلىكتەرىنە ساي مىقتى ج و و- نىڭ قۇرىلعانىن قالايمىز»، - دەدى ا. ءسارىنجىپوۆ.

 اۆتور: جاسۇلان جولدىبايەۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى