دارىگەرلەردىڭ باسىنداعى جاعدايدى الماتى اكىمى جەكە باقىلاۋىنا الدى
بۇل تۋرالى قالالىق اكىمدىكتىڭ باسپا ءسوز قىزمەتى حابارلادى.
دارىگەردىڭ ءومىرى مەن دەنساۋلىعىنا قاۋىپ توندىرۋگە بولمايدى. قالا باسشىسى قالالىق پوليتسياعا اتالعان دەرەكتى جان-جاقتى تەكسەرىپ، دارىگەرلەردىڭ قاۋىپسىزدىگىن قامتاماسىز ەتۋدى تاپسىردى.
وقىس وقيعا 26 -قاراشا كۇنى «تاۋگۇل» شاعىن اۋدانىندا بولعان. كومەككە بارعان جەدەل جاردەم قىزمەتىنىڭ دارىگەرى سوققىعا جىعىلعان. سالدارىنان، قازىر 25 جاستاعى جىگىت كوماتوزدى جاعدايدا جانساقتاۋ بولىمىندە جاتىر.
ايتا كەتۋ كەرەك، جىل باسىنان بەرى الماتى دارىگەرلەرىنە 18 رەت شابۋىل جاسالعان.
اۆتور: گۇلميرا عوسمان-ءالي
