عالىمدار: مۋزىكا ادامنىڭ كوزىنە اسەر ەتەدى
ءبىراق قاراشىق كولەمىنىڭ وزگەرۋىنىڭ فيزيكالىق قانا ەمەس، سەزىم ارقىلى جا جۇزەگە اساتىن ءتۇرى بار. ءتۇرلى جاعدايدا العان ەموتسيالار دا كوزگە ىقپال ەتەدى. قاراشىق كولەمى وي ارەكەتى اۋىسقان كەزدە وزگەرەدى.
الايدا، ۆەنا ۋنيۆەرسيتەتى مەن ينسبرۋك ۋنيۆەرسيتەتىنىڭ وكىلدەرى جۇرگىزگەن ەكسپەريمەنت بارىسىندا قاراشىققا مۋزىكا اسەر ەتەتىنى انىقتالدى. ءاننىڭ تىڭداۋشىعا ەموتسيالىق اسەر ەتەتىنى بەلگىلى. زەرتتەۋ بارىسىندا، ەرىكتىلەرگە ءبىراز مۋزىكالىق تۋىندىلاردى تىڭداۋ ۇسىنىلدى. عالىمدار بولجاعانداي، داڭعازا اۋەندەردى تىڭداعاندا قاراشىق كەڭەيگەن، ال باياۋ اۋەن ەش رەاكسيا بەرمەگەن. ادام ءوز ومىرىندەگى ماڭىزدى وقيعالارىنا بايلانىستى اۋەن ءۇزىندىسىن تىڭداعان ساتتە قاراشىقتىڭ سەرپىنى كۇشەيگەن.
زەرتتەۋ ناتيجەلەرىنىڭ دايەكتىلىگى ءۇشىن ەكسپەريمەنت ۋاقىتىندا مۋزىكانىڭ ەموتسيالىق جۇكتەمەسى تالقىلاندى. ال كەيىننەن قاتىسۋشىلار كومپوزيتسيا ۇزىندىلەرىن تىڭداعان، سول ۋاقىتتا ولاردىڭ قاراشىقتارىنىڭ مولشەرى ولشەندى.
