بوكس: ميگەل كوتتو الەم چەمپيونى تيتۋلىنان ايىرىلدى

كەڭەس كوتتو مەن كانەلودان سانكسيا ءۇشىن 600 مىڭ دوللار (ءارقايسىسىنان 300 مىڭ دوللار) تالاپ ەتتى.

بۇدان باسقا، Golden Boy مەن Roc Nation-نان 25 مىڭ دوللاردان تولەۋ تالاپ ەتىلدى. كوتتو مۇنى تىم كولەمدى سوما دەپ ەسەپتەدى، سەبەبى Roc Nation پروموۋتەرلىك فيرماسى 33 جاستاعى قازاقستاندىق گەننادي گولوۆكيننىڭ كومانداسىنا كوتتوعا 21- قاراشادا ساۋل «كانەلو» الۆارەسپەن كەزدەسۋ مۇمكىندىگىن بەرۋ ءۇشىن 800 مىڭ ا ق ش دوللارى كولەمىندەگى سومانى تولەگەن.

«WBC شەشىمى ميگەل كوتتو مەن ونىڭ كومانداسىنىڭ WBC ەرەجەلەرىن ساقتاعىسى كەلمەيتىنىنە نەگىزدەلىپ وتىر. اتاپ وتسەك، بۇل جەكپە-جەكتى سانكسيالاۋعا قاتىستى ەرەجەلەر. قاراپايىم تىلمەن ايتقاندا، ولار كوتتوعا چەمپيون بولۋعا مۇمكىندىك بەرگەن ەرەجەلەردى قۇرمەتتەگىسى كەلمەيدى. WBC كوتتوعا جاقسىلىق تىلەيدى. ءبىز جاعدايدىڭ وسىلاي بولعانىنا وكىنىش بىلدىرەمىز»، - دەدى WBC پرەزيدەنتى ماۋريسيو سۇلەيمان.

WBC- ءتىڭ ميگەل كوتتوعا قاتىستى ارەكەتتەرى الۆارەسكە ەش اسەر ەتپەيتىنىن اتاپ ءوتۋ كەرەك. ەگەر مەكسيكاندىق بوكسشى جەكپە-جەكتە جەڭەتىن بولسا، ول بەلدىكتىڭ يەگەرى اتانادى. ال جەكپە-جەكتە كوتتو جەڭەتىن بولسا، بەلدىك بوس قالىپ، كەڭەس بۇل بەلدىكتى ونىڭ مىندەتتى ۇمىتكەرى بولىپ تابىلاتىن، قازىرگى كەزدە WBC- ءتىڭ ۋاقىتشا بەلدىگىنە يە گەننادي گولوۆكينگە بەرۋ شەشىمىن قابىلداۋى ابدەن مۇمكىن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى