بەلگىلى كينو پروديۋسسەر تاڭىربەرگەن حاجيەۆ ومىردەن ءوتتى

  دەپ حابارلادى شاكەن ايمانوۆ اتىنداعى «قازاق فيلم» كينوستۋدياسىنىڭ باسپا ءسوز قىزمەتى.

تاڭىربەرگەن حاجيەۆ 1950 - جىلى 15 - قازاندا الماتى وبلىسى تالدىقورعان اۋدانىنىڭ تەرەكتى اۋىلىندا تۋعان. 1976 - جىلى الماتى حالىق شارۋاشىلىق ينستيتۋتىنىڭ ەكونوميكا- جوسپارلاۋ فاكۋلتەتىن بىتىرگەن.

 ينستيتۋت بىتىرگەن سوڭ «قازاق فيلم» كينوستۋدياسىنا كينوكارتينا ديرەكتورىنىڭ ورىنباسارى قىزمەتىنە تاعايىندالعان. كەيىن كينوستۋديانىڭ باس ديرەكتورى قىزمەتىنە دەيىن كوتەرىلگەن. 1997-2000 - جىلدارى «ق ر پرەزيدەنتىنىڭ تەلەراديوكەشەنىندە» شىعارماشىلىق ءوندىرىس ءبولىمى باسشىسىنىڭ ورىنباسارى، دەرەكتى فيلمدەر ءبولىمىنىڭ ديرەكتورى بولىپ قىزمەت اتقارعان. 20 دان استام كوركەم فيلمدى تۇسىرۋگە اتسالىسقان.

 1986 -جىلعى كوتەرىلىسكە ارنالعان «اللاجار» فيلمىنىڭ، «كاجدىي ۆزويدەت نا گولگوفۋ» تەلەفيلمىنىڭ، «كۇنا»، «ماحامبەت»، «اكەم ەكەۋمىز»، «ءبىرجان سال»، «جەرۇيىق»، «دامەلى» كوركەم فيلمدەرىنىڭ پروديۋسسەرى.

1998 - جىلدان بەرى ت. جۇرگەنوۆ اتىنداعى قازاق مەملەكەتتىك تەاتر جانە كينو ينستيتۋتىندا وقىتۋشىلىقپەن اينالىسىپ كەلگەن.

2 ماقالانىڭ، «كينو تەلە ءوندىرىس ەكونوميكاسى» كىتاپشاسىنىڭ اۆتورى.

شاكەن ايمانوۆ اتىنداعى «قازاقفيلم» كينوستۋدياسى مارقۇمنىڭ تۋعان تۋىستارىنىڭ قايعىسىنا ورتاقتاسىپ، كوڭىل ايتادى.

اۆتور: گۇلميرا عوسمانالي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى