قازاقستان ۋكرايناعا كەڭ كولەمدە سۇيىتىلعان گاز جەتكىزۋگە دايىن
بۇل شامامەن ءار تونناسىنا 500 ا ق ش دوللارى كولەمىندە. ال بۇگىندە ۋكراينادا سۇيىتىلعان گازدىڭ قۇنى 400 دوللاردان اسپايدى.
ءبىراق جانارماي بەكەتتەرىندە پروپان- بۋتان قوسپاسى قىمباتتاپ بارادى. ايتۋ كەرەك، وسىدان 2 جىل بۇرىن تابيعي گازدىڭ ايتارلىقتاي كولەمى بالتىق جاعاسىنا، ازوۆ- قارا تەڭىز باسسەينىنە، ونىڭ ىشىندە ۋكرايناعا تاسىمالدانسا، بيىل قازاقستاندىق وتىن نەگىزىنەن تاجىكستان، اۋعانستان جانە قىتاي ەلدەرىنە ەكسپورتتالادى. كونستانتين تالىسپايەۆ، «ءمولدىر مۇناي» جشس ماركەتينگ جانە كوممەرتسيا جونىندەگى ديرەكتورى - بۇگىندە ۋكراينا گازدى ءتيىمدى باعامەن ساتىپ الۋعا دايىن ەمەس. سوندىقتان ءبىز سۇيىق وتىندى تاجىكستان، اۋعانستان جانە قىتايعا تاسىمالداپ وتىرمىز. ارينە، كوك وتىندى ۋكراينانىڭ شىعىس شەكاراسىندا شامامەن 450-500 ا ق ش دوللارى كولەمىندە ساتۋعا بولۋشى ەدى. وسىنداي باعامەن سۇيىتىلعان گازدى ءبىز قازىر جوعارىدا ايتقان مەملەكەتتەرگە ەكسپورتقا جىبەرۋدەمىز.
