كوپ تومدىق «قازىنالى وڭتۇستىك» كەزەكتى كىتابى وقىرمانعا جول تارتتى - فوتو

اتالمىش جوبا ەلباسىنىڭ ماڭگىلىك ەل، ۇلى دالا ەلى يدەياسىمەن ۇندەسىپ وتىر، دەپ حابارلايدى nurotan.kz.

كىتاپتىڭ ءبىرىنشى تومى 2010-جىلى وڭتۇستىك قازاقستان وبلىسى اكىمدىگىنىڭ قولداۋىمەن جارىق كورگەن ەدى. بۇگىنگى كۇندە 500 تومدىق كىتاپتىڭ 311 تومى باسىپ شىعارىلدى.

«قازىنالى وڭتۇستىك» كوپ تومدىعىن شىعارۋداعى ماقسات - وڭتۇستىك قازاقستان وبلىسىنىڭ تاريحى مەن مادەنيەتىن، ساياسي-ەكونوميكالىق ەرەكشەلىكتەرىن ناسيحاتتاۋ. وسىلايشا، قىتايلىق قالامگەرلەردىڭ ۇلگىسىمەن «تۇركىستان كىتاپحاناسى» سەرياسى بويىنشا مادەني مۇرالاردى جيناقتاپ، ۇرپاققا اماناتتاۋ جۇمىستارى تۇڭعىش رەت وڭتۇستىك وڭىردە باستاۋ الىپ وتىر.

«پرەزيدەنتىمىزدىڭ «ءبىز ءوز تاريحىمىزدى وزگەلەر تۇرماق، وزىمىزگە دە تولىق تانىتا الماي كەلە جاتقان حالىقپىز. زەرتتەمەسەك، جازباساق، جاريالاماساق كىم، نە دەپ تانيدى؟» دەگەن ءسوزى بار. وسىعان وراي، مىنە، بۇگىن «قازىنالى وڭتۇستىك» كىتابىنىڭ 311- تومىنىڭ تۇساۋكەسەرى بولىپ وتىر. ۇلت تۇتاستىعىنىڭ كىلتى - تۋعان تاريح، ءدىن، مادەنيەت، ءتىل، ءداستۇردى قاستەرلەۋ مەن باعالاۋعا باعىتتالعان «قازىنالى وڭتۇستىك» سەرياسى بۇگىندە وقىرمانعا جول تارتتى. تاريحي فولكلور مەن جاريالانباي قالعان جىرلاردى جانە اقىنداردىڭ شىعارمالارىن زەرتتەپ، ۇرپاققا امانات ەتەتىن بۇل كوپتومدىقتى شىعارۋ اسقار يسابەك ۇلىنىڭ باستاماسى بولىپ تابىلادى»، - دەدى «نۇر وتان» پارتياسى ءتوراعاسى ءبىرىنشى ورىنباسارىنىڭ كەڭەسشىسى بەرىك ءۋالي.

اتالعان كوپتومدىقتىڭ ەكىنشى تومىنا ايگىلى فولكلورشى ءارى ەتنوگراف ءا. ديۆايەۆ پەن تاشكەنت مۇعالىمدەر سەمينارياسىنىڭ وقىتۋشىسى بولعان ي. ليۋشتىڭ بۇرىن باسپا بەتىنە شىقپاعان ەرتەگىلەرى ەنىپ وتىر.

سونىمەن قاتار، «وڭتۇستىك قازاقستان وبلىسىنىڭ تاريحي-مادەني ەسكەرتكىشتەرى»، «وڭتۇستىك قازاقستان وبلىسىنىڭ تابيعاتى»، «ا. ياسساۋي كەسەنەسى»، «وڭتۇستىك قازاقستان وبلىسىنىڭ ەكونوميكاسى» ءتارىزدى تاقىرىپتار دا قامتىلعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى