عالىمدار ادامنىڭ ەڭ باقىتسىز كەزىن انىقتادى

رەسپوندەنتتەردىڭ تورتتەن ءبىر بولىگى تۇسكە دەيىن ءوزىن باقىتتى سەزىنەتىنىن ايتقان. ساۋالناماعا جاۋاپ بەرگەن ادامداردىڭ باسىم بولىگى دۇيسەنبى كۇنى تاڭەرتەڭگى ساعات 11:17 دە ءوزىن جابىرقاڭقى جانە باقىتسىز سەزىنگەن. الايدا بارلىعىنىڭ كوڭىل- كۇيى ساعات 14:35 كە تامان كوتەرىلەدى ەكەن.

قاتىسۋشىلاردىڭ كوڭىلىنىڭ كوتەرىلۋىنە ءساتتى جاسالعان كەلىسىمشارت (%42) ، امانداسىپ، قۇشاقتاسۋ (%40) جانە جول بەرگەن كولىك (%36) اسەر ەتكەن. 47 پايىزى قايىرىمدى ءىس جاساۋعا ۋاقىت تاپقان كەزدە ءوزىن باقىتتى سەزىنگەن. تەك ساۋالناماعا قاتىسقانداردىڭ 27 پايىزى عانا اينالاسىنداعى ادامداردى كۇن سايىن قۋانتۋعا ارەكەت جاساعان.

ال كوپشىلىگى (%47) العىس الماعانىنا، كەزەكتە (%75) تىرەسىپ تۇرعانىنا جانە پويىزدان (%43) تۇسكەن كەزدەگى كەدەرگىگە اشۋلانادى. پسيحولوگتاردىڭ ايتۋىنشا، كەڭ ءۇي، كوڭىل تولتىرارلىق دەمالىس، جاقسى اۆتوموبيل سىندى قىمبات دۇنيەلەر ادامدى باقىتتى ەتە المايدى.

مامانداردىڭ پايىمداۋىنشا، ومىردە اسا ماڭىزدى ءرول اتقاراتىن - مەيىرىمدى ادامدار.

ماسەلەن: تاڭەرتەڭ سەنى كۇتىپ تۇراتىن اۆتوبۋس جۇرگىزۋشىسى، كۇندەلىكتى «قايىرلى تاڭ» دەپ كۇلىمدەپ قارسى الاتىن جۇمىستاعى ارىپتەسىڭ. «ادام مەيىرىمگە تولى ءسوز ايتىپ، جىلى قاباق تانىتقان وزگە ادامنىڭ جاقسىلىعىن بايقاپ، باعالاي بىلسە عانا ءوزىن ەداۋىر باقىتتى سەزىنەتىن بولادى» ، - دەيدى ماماندار.

دەرەككوز: NUR. KZ 

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى