ق ر قورعانىس مينيسترلىگىندە كاسپيدەگى قايعىلى وقيعانىڭ سەبەپ-سالدارى ايتىلدى - فوتو
وعان مينيسترلىكتىڭ باسشىلارى، دەپارتامەنتتەر مەن باسقارمالاردىڭ باسشىلارى، اسكەر تۇرلەرىنىڭ باس قولباسشىلارى، اسكەر تەكتەرى، وڭىرلىك قولباسشىلىق اسكەرلەرىنىڭ قولباسشىلارى، اسكەري جوعارى وقۋ ورىندارىنىڭ، قورعانىس ىستەرى جونىندەگى دەپارتامەنتتەرىنىڭ باستىقتارى، سەرجانتتار قۇرامى قاتىستى.
القا ماجىلىسىندە ق ر قورعانىس ءمينيسترىنىڭ جەكە تاپسىرماسى بويىنشا ق ر ق م باس ينسپەكتسياسى جۇرگىزگەن اقتاۋداعى قايعىلى وقيعانى تەكسەرۋ قورىتىندىسى بويىنشا ءسوز قوزعالدى.
ق ر ق م باس ينسپەكتسياسىنىڭ باسشىسى گەنەرال-لەيتەنانت قۇربان قاراجانوۆتىڭ بايانداماسىندا وقيعانىڭ بارلىق دەرەكتەرى ەگجەي-تەگجەيلى ءتۇسىندىرىلدى. تالداۋ كورسەتكەندەي، بەلگىلەنگەن ەرەجەلەردى جانە ءىس-قيمىل الگوريتمدەرىن ساقتاماۋ نەگىزىندە كەيبىر جاعدايلاردا بازالىق نەگىزدەردى بىلمەۋ جانە جەكە قۇرامنىڭ وقىتىلماۋى، سونداي-اق ناشار باقىلاۋدىڭ سالدارىنان اكەپ سوقتىراتىن دۇرلىكپە ادامي فاكتور ءبىرىنشى سەبەپ بولىپ تابىلادى.
سونداي-اق كەلىسىمشارت بويىنشا اسكەري قىزمەتشىلەردى ساپالى تۇردە ىرىكتەۋ جانە وسى ساناتپەن كومانديرلەر مەن تاربيەشىلەردىڭ جۇمىسى جونىندەگى كوكەيكەستى ماسەلەلەر دە نازاردان تىس قالعان جوق.
قارۋلى كۇشتەردى جاساقتاۋدىڭ كەلىسىمشارتتىق جۇيەسى قازاقستاندا 2002 -جىلدان باستاپ كەزەڭ- كەزەڭمەن ەنگىزىلگەنىن ءتۇسىنۋ قاجەت. كەلىسىمشارت جانە مەرزىمدى قىزمەت بويىنشا اسكەري قىزمەتشىلەردىڭ اراسالماعى بىرتىندەپ ازايىپ كەلەدى جانە قازىر شامامەن %20 عا %80 دى قۇرايدى. سونىمەن بىرگە، وسى كەزەڭدە كەلىسىمشارت بويىنشا قىزمەتتىڭ شاقىرىلىمنىڭ ۇيلەسۋى ەلىمىزدىڭ اسكەري قاۋىپسىزدىگىن قامتاماسىز ەتۋ ءۇشىن اناعۇرلىم ۇتىمدى جانە قولايلى بولىپ تابىلادى.
مۇنداي كوزقاراس بىزگە ءبىر جاعىنان كەلىسىمشارت بويىنشا اسكەري قىزمەتشىلەر تاپسىرمالاردى ورىنداۋعا دەرەۋ كىرىسۋگە قابىلەتتى جانە ۇدايى ازىرلىكتەگى قۇرامالار مەن اسكەري بولىمدەرگە يە بولۋعا مۇمكىندىك بەرەدى. ال باسقا جاعىنان اسكەري- ەسەپكە الۋ ماماندىقتارى بويىنشا دايىندىقتان ءوتىپ جاتقان شاقىرىلىمنىڭ اسكەري قىزمەتشىلەرى بار بولىمشەلەر ءارى قاراي دا جۇمىلدىرۋ قورىن قۇراي الادى.
اسكەري- پاتريوتتىق تاربيە بەرۋدى جەتىلدىرۋ جانە ونىڭ ءادىسنامالىق، اقپاراتتىق جانە ۇيىمداستىرۋشىلىق قۇرامداسى ۋاقىت تالابىنان تۋىنداپ وتىر.
«كەز كەلگەن ماسەلەنىڭ ءمان-جايىنا تولىق جاۋاپكەرشىلىكپەن، قاعيداتتىلىقپەن جانە تۇسىنۋشىلىكپەن قاراعان كەزدە عانا ەداۋىر وزگەرىسكە قول جەتكىزۋگە بولادى. بارلىق كومانديرلەر مەن باسشىلاردى وسىعان باعىتتايمىن جانە بۇگىن قويىلعان تاپسىرمالاردىڭ مۇلتىكسىز ورىندالۋىن تالاپ ەتەمىن»، - دەدى القا ءماجىلىسىن قورىتىندىلاي كەلە ق ر قورعانىس ءمينيسترى يمانعالي تاسماعامبەتوۆ.
