قازاقستان مەن قىتاي اراسىنداعى مەملەكەتتىك شەكارا رەجيمى تۋرالى كەلىسىم قابىلداندى
كەلىسىم 2006-جىلعى 20- جەلتوقساندا بەيجىڭ قالاسىندا جاسالعان بولاتىن. بۇل رەتتە قۇجات اۋماقتارعا قول سۇعىلماۋشىلىقتى قامتاماسىز ەتۋ، قۇقىققا قارسى ارەكەتتەردىڭ جولىن كەسۋ، شەكاراداعى توسىن وقيعالاردى شەشۋ جولدارىن بەلگىلەۋ ماسەلەلەرىن قاراستىرادى. سونىمەن قاتار، كەلىسىمدە قازاقستان مەن قىتاي مەملەكەتتەرىنىڭ شەكارا وكىلدەرىنىڭ ءوزارا ءىس-قيمىل ءتارتىبىن رەتتەۋگە باعىتتالعان نورمالار قامتىلىپ وتىر.
بۇدان باسقا، قۇجات بويىنشا ەكى ەل اراسىنداعى مەملەكەتتىك شەكارا سىزىعى مەملەكەتتىك شەكارانىڭ دەليميتاتسياسى تۋرالى كەلىسىممەن انىقتالعانى كورسەتىلگەن. سونىمەن قوسا، تاراپتار مەملەكەتتىك شەكارانىڭ دەماركاتسياسى تۋرالى قۇجات كۇشىنە ەنگەننەن كەيىن ون جىلدا ءبىر رەت مەملەكەتتىك شەكارا سىزىعىنا بىرلەسكەن تەكسەرۋلەردى جۇرگىزىپ تۇراتىن بولادى.
تۇتاستاي العاندا، كەلىسىمدى راتيفيكاتسيالاۋ قازاقستان مەن قىتاي اراسىنداعى تاتۋ كورشىلىك قارىم-قاتىناستى ودان ءارى نىعايتۋعا جانە ەكىجاقتى ىنتىماقتاستىقتى دامىتۋعا ىقپال ەتەتىن بولادى.
اۆتور: قانات مامەتقازى ۇلى
